Зь некалькіх крыніцаў паступілі паведамленьні, што прыкладна а палове пятай гадзіны па менскім часе ў сталіцы Беларусі мелі месца некалькі падземных штуршкоў. Сёньня ў Калініградзе (РФ) прыкладна ў той самы час адбыўся землятрус, які меў сілу 4-5 балаў па шкале Рыхтэра. Штуршкі сілай 4.5 балы таксама адчуваліся ў Гданьску (Польшча). Беларускі МНС пакуль ніяк не пракамэнтаваў сытуацыю.
