ОСЛА. З музэю ў сталіцы Нарвэгіі скрадзеныя два шэдэўры знакамітага нарвэскга мастака, бацькі сучаснага імпрэсіянізму, Эдварда Мунка – варыянты карцінаў “Крык” і “Мадонна”.
Паведамляецца, што два рабаўнікі ў масках, пагражаючы пэрсаналу музэю зброяй, зьнялі карціны са сьценаў ды ўцяклі на аўтамабілі. Пры гэтым у музэйнай залі прысутнічалі дзясяткі наведвальнікаў. Ніхто не пацярпеў.
Мунк зрабіў некалькі вэрсіяў сваіх галоўных працаў. Адзін з варыянтаў “Крыку” быў скрадзены ў 1994 годзе з нацыянальнай галерэі ў Осла, але праз некалькі месяцаў карціну знайшлі.
