БАГДАД. Ня менш за 15 чалавек забітыя й звыш 20 параненыя ў сёньняшніх сутыкненьнях паміж паўстанцамі й ірацкай паліцыяй у горадзе Масул на поўначы Іраку. У горадзе ўведзеная камэнданцкая гадзіна.
Тым часам сёньня ў Іраку вызваленыя шэсьць закладнікаў – чатыры ярданскія й два турэцкія кіроўцы. Экстрэмісцкія групоўкі дамагаліся ад кампаніяў, у якіх працавалі закладнікі, спыненьня апэрацыяў у Іраку.
