Юлія Шарова, Менск Колькасьць індывідуальных прадпрымальнікаў у Беларусі зноў скарацілася – такія зьвесткі падае Міністэрства эканомікі. За першае паўгодзьдзе гэтага году дробных бізнэсоўцаў паменела на 2,5 тысячы. Скарацілася таксама колькасьць прыватных малых прадпрыемстваў, але ў той жа час падатковыя паступленьні ў бюджэт павялічыліся.
Згодна са станам на 1 ліпеня, індывідуальных прадпрымальнікаў у Беларусі – 186 тысяч. Малых прадпрыемстваў, паводле сытуацыі на 1 красавіка – 27,5 тысяч. Найбольш прадпрымальнікаў ды дробных фірмаў – у Менску, у рэгіёнах малы бізнэс сканцэнтраваны пераважна ў абласных цэнтрах, у невялікіх жа гарадох ці на вёсцы ён разьвіты слаба. Усяго ў гэтай сфэры працуюць 13% беларусаў, занятых у эканоміцы.
Цікава, што на тле агульнага зьніжэньня лічбаў, менскія падаткавікі адзначаюць рост колькасьці індывідуальных прадпрымальнікаў. Вось што мне сказала прадстаўніца Менскай гарадзкой інспэкцыі Міністэрства падаткаў і збораў:
(Спадарыня: ) “У Менску цяпер 66.596 прадпрымальнікаў згодна са станам на 1 ліпеня. Калі параўнаць гэта з аналягічным пэрыядам мінулага году, то іх стала на 3.769 болей”.
Старшыня Беларускага саюзу прадпрымальнікаў Аляксандар Патупа ўдакладняе, што ў падатковых органах рэгіструюцца падаткаплацельшчыкі, а ня новыя суб’екты гаспадараньня. Не заўсёды рост колькасьці зарэгістраваных прадпрымальнікаў адпавядае росту колькасьці падаткаплацельшчыкаў і наадварот.
(Патупа: ) “Ёсьць панятак рэгістрацыі – гэта сытуацыя, калі пэўная колькасьць людзей зарэгістравана ў мясцовых органах. І ёсьць паняцьце, колькі зарэгістравана ў падатковай інспэкцыі, то бок, хто рэальна плаціць падаткі, гэта – працуючая колькасьць. Гэта два дастаткова розныя ўзроўні, бо шмат у каго ёсьць рэгістрацыя, але непасрэдна яны не працуюць. Яны застаюцца зарэгістраванымі нават тады, калі ляжыць заява пра ліквідацыю бізнэсу”.
Пры гэтым спадар Патупа не адпрэчвае, што ў Менску можа быць некаторы лякальны рост гэтага сэктара. Якраз у першай дэкадзе гэтага году ўзьнікла даволі шмат новых “індывідуалаў”: дэкрэт нумар 4 абмежаваў магчымую колькасьць наёмных працаўнікоў для іх. Таму зьявілася нямала падстаўных індывідуальных прадпрымальнікаў, якія насамрэч працягваюць працаваць на былых гаспадароў. Старшыня Саюзу прадпрымальнікаў з пэўным скепсісам кажа пра тое, што ў Беларусі ня трэба праводзіць лібэральныя рэформы, каб палепшыць паказьнікі.
Цікава, што на тле агульнага зьніжэньня лічбаў, менскія падаткавікі адзначаюць рост колькасьці індывідуальных прадпрымальнікаў. Вось што мне сказала прадстаўніца Менскай гарадзкой інспэкцыі Міністэрства падаткаў і збораў:
(Спадарыня: ) “У Менску цяпер 66.596 прадпрымальнікаў згодна са станам на 1 ліпеня. Калі параўнаць гэта з аналягічным пэрыядам мінулага году, то іх стала на 3.769 болей”.
Старшыня Беларускага саюзу прадпрымальнікаў Аляксандар Патупа ўдакладняе, што ў падатковых органах рэгіструюцца падаткаплацельшчыкі, а ня новыя суб’екты гаспадараньня. Не заўсёды рост колькасьці зарэгістраваных прадпрымальнікаў адпавядае росту колькасьці падаткаплацельшчыкаў і наадварот.
(Патупа: ) “Ёсьць панятак рэгістрацыі – гэта сытуацыя, калі пэўная колькасьць людзей зарэгістравана ў мясцовых органах. І ёсьць паняцьце, колькі зарэгістравана ў падатковай інспэкцыі, то бок, хто рэальна плаціць падаткі, гэта – працуючая колькасьць. Гэта два дастаткова розныя ўзроўні, бо шмат у каго ёсьць рэгістрацыя, але непасрэдна яны не працуюць. Яны застаюцца зарэгістраванымі нават тады, калі ляжыць заява пра ліквідацыю бізнэсу”.
Пры гэтым спадар Патупа не адпрэчвае, што ў Менску можа быць некаторы лякальны рост гэтага сэктара. Якраз у першай дэкадзе гэтага году ўзьнікла даволі шмат новых “індывідуалаў”: дэкрэт нумар 4 абмежаваў магчымую колькасьць наёмных працаўнікоў для іх. Таму зьявілася нямала падстаўных індывідуальных прадпрымальнікаў, якія насамрэч працягваюць працаваць на былых гаспадароў. Старшыня Саюзу прадпрымальнікаў з пэўным скепсісам кажа пра тое, што ў Беларусі ня трэба праводзіць лібэральныя рэформы, каб палепшыць паказьнікі.