Ігар Карней, Менск
Беларускі ўрад ухваліў прапанову канцэрну “Белдзяржхарчпрам” скасаваць ад 1 ліпеня ліцэнзіі на ўвоз соладавага піва з Расеі. Абмежаваньні былі ўведзеныя два гады таму як адзін з захадаў дзеля аховы ўнутранага рынку. У выніку істотна зьнізіўся экспарт расейскага піва ў Беларусь.
Мы ўжо паведамлялі пра нэгатыўнае стаўленьне беларускіх вытворцаў піва да новага рашэньня ўраду, бо цяпер пастаўшчыкі больш канкурэнтаздольнага расейскага прадукту атрымаюць фактычна неабмежаваны доступ на беларускі рынак і змогуць тут дэмпінгаваць. Паводле кіраўнікоў мясцовых бровараў, расейцам не складзе ніякіх цяжкасьцяў выраўнаць кошты зь беларускім півам, а то нават і зрабіць яго таньнейшым. Многія беларускія піўзаводы, якія і так перажываюць глыбокі крызыс, наўрад ці змогуць выжыць ва ўмовах піўной экспансіі з усходу.
Паведамляецца, што цяпер замест адмысловых ліцэнзіяў на пастаўку расейскага піва, кошт якіх складаў каля 18 тысяч даляраў, будзе ажыцьцяўляцца авансавы плацёж, сума якога будзе залежаць ад аб’ёму партыі.
Мы ўжо паведамлялі пра нэгатыўнае стаўленьне беларускіх вытворцаў піва да новага рашэньня ўраду, бо цяпер пастаўшчыкі больш канкурэнтаздольнага расейскага прадукту атрымаюць фактычна неабмежаваны доступ на беларускі рынак і змогуць тут дэмпінгаваць. Паводле кіраўнікоў мясцовых бровараў, расейцам не складзе ніякіх цяжкасьцяў выраўнаць кошты зь беларускім півам, а то нават і зрабіць яго таньнейшым. Многія беларускія піўзаводы, якія і так перажываюць глыбокі крызыс, наўрад ці змогуць выжыць ва ўмовах піўной экспансіі з усходу.
Паведамляецца, што цяпер замест адмысловых ліцэнзіяў на пастаўку расейскага піва, кошт якіх складаў каля 18 тысяч даляраў, будзе ажыцьцяўляцца авансавы плацёж, сума якога будзе залежаць ад аб’ёму партыі.