НЬЮ-ЁРК. Праваабарончая арганізацыя Human Rights Watch абвінавачвае прэзыдэнта ЗША Джорджа Буша ў стварэньні ў турме Абу-Грайб атмасфэры, спрыяльнай для зьдзекаў з вязьняў. У справаздачы Human Rights Watch адзначаецца, што Вашынгтон парушыў нормы міжнароднага права, ігнаруючы паведамленьні пра злоўжываньні ў вайсковых турмах у Іраку і Аўганістане. Амэрыканскі ўрад абвяргае інфармацыю пра тое, што мае палітыку дрэннага абыходжаньня са зьняволенымі, падазронымі тэрарыстамі.
