Паводле “Інтэрфаксу” Аляксандар Мілінкевіч павінен заплаціць падатак з уручанай яму сёньня прэміі імя Андрэя Сахарава – пра гэта агенцтву “Інтэрфакс” заявілі сёньня ў Міністэрстве падаткаў і збораў Беларусі.
Паводле супрацоўніка міністэрства, па вяртаньні ў Беларусь на працягу 30 дзён Мілінкевіч мае зьявіцца ў падатковы орган і дэкляраваць прэмію ў якасьці даходу, атрыманага з-за мяжы. Падатак з прэміі, як заяўляюць у міністэрстве, будзе налічацца па прагрэсіўнай шкале. Згодна зь ёю, з сумы даходу, якая перавышае ў пералічэньні 33 мільёны беларускіх рублёў, спаганяецца 30 працэнтаў.
Грашовая частка прэміі Сахарава складае 50 тысяч эўра. Мілінкевіч заявіў, што перадасьць гэтыя грошы на дапамогу ахвярам палітычных рэпрэсіяў у Беларусі.
Гл. таксама: Аляксандру Мілінкевічу ўручылі прэмію імя Сахарава (відэаанонс)
Грашовая частка прэміі Сахарава складае 50 тысяч эўра. Мілінкевіч заявіў, што перадасьць гэтыя грошы на дапамогу ахвярам палітычных рэпрэсіяў у Беларусі.
Гл. таксама: Аляксандру Мілінкевічу ўручылі прэмію імя Сахарава (відэаанонс)