Радыё Свабода Сёньня Тацьцяна Севярынец – маці палітвязьня Паўла Севярынца, які адбывае пакараньне на “хіміі” у вёсцы Малое Сітна Полацкага раёну – завяршыла збор подпісаў ў падтрымку вылучэньня яе кандыдатам ў дэпутаты Віцебскага гарсавету.
У інтэрвію Радыё Свабода Тацьцяна Севярынец паведаміла, што замест патрэбных 75 галасоў сабрала больш як 300. Суразмоўца падкрэсьлівае, што заручылася падтрымкай жыхароў Першамайскага раёну Віцебска. Менавіта тут у часе парлямэнцкіх выбараў вылучаўся кандыдатам у дэпутаты Павал Севярынец.