Радыё Свабода Андрэй Клімаў – удзельнік перадачы “Ў што я веру”
Я веру, што будзе суд над забойцамі Віктара Ганчара і Юр’я Захаранкі, і ў Беларусі больш ня будуць выкрадаць і забіваць палітычных апанэнтаў.
Веру, што ўвесну 2007 Аляксандар Казулін выйдзе на свабоду. Веру, што ў міліцыі працуюць не адны нягоднікі. Веру, што былы начальнік турмы на Валадарскага Алег Алкаеў, судзьдзя Валянціна Тупік, сьледчы Алёшкін, начальнік на “хіміі” ў Крупках Сяргей Сіроткін, дэпутат Палаты прадстаўнікоў Сяргей Касьцян, былы генпракурор Алег Бажэлка і Аляксандар Лукашэнка папросяць прабачэньня ў маёй сям’і. Веру, што мае дзеці знойдуць шчасьце ў сваёй краіне.
Веру, што яшчэ да канца гэтага году ў краіне адбудуцца перамены, а ў наступным годзе адбудуцца выбары прэзыдэнта Беларусі. Веру, што ў 2007 годзе збудзецца даўняя мара маёй маці. Перакананы, што 25 сакавіка 2007 году на Кастрычніцкую плошчу ў Менску выйдзе ўся дэмакратычная Беларусь, каб адсьвяткаваць нашу перамогу. Веру, што яшчэ да канца дзесяцігодзьдзя мы ўступім у Эўразьвяз.
Веру, што Чарнобыль і Лукашэнка – гэта апошнія навалы на нашу краіну ў бліжэйшыя сто гадоў. Веру, што з пераменамі ў палітычным жыцьці краіны адбудуцца перамены і ў нашых людзях. Яны стануць больш шляхетнымі, добрымі, навучацца быць шчодрымі. Веру, што я не адзінокі ў сваіх жаданьнях і цяпер мяне слухаюць тыя, ад каго залежаць перамены ў краіне.
Веру, што жыцьцё не заканчваецца на гэтым сьвеце. Ёсьць Бог, і ён не пакіне нас у гэтую хвіліну. Веру, што ў наступным дзесяцігодзьдзі паміж мусульманамі і хрысьціянамі наступіць мір. Веру, што беларусы будуць хадзіць у царкву ня толькі па сьвятах, а патрыяршы экзарх Філарэт прыме публічнае пакаяньне злачынцаў цяперашняга рэжыму. Веру, што мы навучымся дараваць і жыць ў міры са сваімі суайчыньнікамі.
Веру, што цяперашнія пэнсіянэры яшчэ пры жыцьці будуць жыць у дабрабыце. Веру, што ў бліжэйшыя гады знойдуць лекі ад раку, а з новага году беларускае тэлебачаньне больш ня будзе хлусіць людзям. Перакананы, што ў блізкім часе ў Беларусі будуць эўрапейскія дарогі, і беларусам будуць даступныя па коштам новыя машыны. Веру, што наступнай “Міс сьвету” будзе беларуска, а на будучым чэмпіянаце сьвету па футболу беларуская зборная выйдзе ў чвэрцьфінал. Веру, што ў дамах больш ня будуць ламаць ліфты і ў наступным годзе я нарэшце закончу рамонт ў сваёй кватэры.
Андрэй Клімаў – былы бізнэсовец, Дэпутат Вярхоўнага Савету 13-га скліканьня. Адзін з ініцыятараў імпічмэнту Аляксандру Лукашэнку ў 1996 годзе, за што, як лічыць, і адсядзеў чатыры гады ў турме. Па выхадзе на свабоду ў 2002 годзе пачаць пісаць – за некалькі гадоў выйшлі ў сьвет пяць кнігаў. Сябра Аб’яднанай грамадзянскай партыі, Беларускага ПЭН-цэнтру. Адбывае пакараньне на “хіміі” ў Баршчоўцы на Гомельшчыне за арганізацыю несанкцыянаванага мітынгу 25 сакавіка 2005 году. Павінен выйсьці на свабоду 22 сьнежня. Мае трох дзяцей.
Веру, што ўвесну 2007 Аляксандар Казулін выйдзе на свабоду. Веру, што ў міліцыі працуюць не адны нягоднікі. Веру, што былы начальнік турмы на Валадарскага Алег Алкаеў, судзьдзя Валянціна Тупік, сьледчы Алёшкін, начальнік на “хіміі” ў Крупках Сяргей Сіроткін, дэпутат Палаты прадстаўнікоў Сяргей Касьцян, былы генпракурор Алег Бажэлка і Аляксандар Лукашэнка папросяць прабачэньня ў маёй сям’і. Веру, што мае дзеці знойдуць шчасьце ў сваёй краіне.
Веру, што яшчэ да канца гэтага году ў краіне адбудуцца перамены, а ў наступным годзе адбудуцца выбары прэзыдэнта Беларусі. Веру, што ў 2007 годзе збудзецца даўняя мара маёй маці. Перакананы, што 25 сакавіка 2007 году на Кастрычніцкую плошчу ў Менску выйдзе ўся дэмакратычная Беларусь, каб адсьвяткаваць нашу перамогу. Веру, што яшчэ да канца дзесяцігодзьдзя мы ўступім у Эўразьвяз.
Веру, што Чарнобыль і Лукашэнка – гэта апошнія навалы на нашу краіну ў бліжэйшыя сто гадоў. Веру, што з пераменамі ў палітычным жыцьці краіны адбудуцца перамены і ў нашых людзях. Яны стануць больш шляхетнымі, добрымі, навучацца быць шчодрымі. Веру, што я не адзінокі ў сваіх жаданьнях і цяпер мяне слухаюць тыя, ад каго залежаць перамены ў краіне.
Веру, што жыцьцё не заканчваецца на гэтым сьвеце. Ёсьць Бог, і ён не пакіне нас у гэтую хвіліну. Веру, што ў наступным дзесяцігодзьдзі паміж мусульманамі і хрысьціянамі наступіць мір. Веру, што беларусы будуць хадзіць у царкву ня толькі па сьвятах, а патрыяршы экзарх Філарэт прыме публічнае пакаяньне злачынцаў цяперашняга рэжыму. Веру, што мы навучымся дараваць і жыць ў міры са сваімі суайчыньнікамі.
Веру, што цяперашнія пэнсіянэры яшчэ пры жыцьці будуць жыць у дабрабыце. Веру, што ў бліжэйшыя гады знойдуць лекі ад раку, а з новага году беларускае тэлебачаньне больш ня будзе хлусіць людзям. Перакананы, што ў блізкім часе ў Беларусі будуць эўрапейскія дарогі, і беларусам будуць даступныя па коштам новыя машыны. Веру, што наступнай “Міс сьвету” будзе беларуска, а на будучым чэмпіянаце сьвету па футболу беларуская зборная выйдзе ў чвэрцьфінал. Веру, што ў дамах больш ня будуць ламаць ліфты і ў наступным годзе я нарэшце закончу рамонт ў сваёй кватэры.
Андрэй Клімаў – былы бізнэсовец, Дэпутат Вярхоўнага Савету 13-га скліканьня. Адзін з ініцыятараў імпічмэнту Аляксандру Лукашэнку ў 1996 годзе, за што, як лічыць, і адсядзеў чатыры гады ў турме. Па выхадзе на свабоду ў 2002 годзе пачаць пісаць – за некалькі гадоў выйшлі ў сьвет пяць кнігаў. Сябра Аб’яднанай грамадзянскай партыі, Беларускага ПЭН-цэнтру. Адбывае пакараньне на “хіміі” ў Баршчоўцы на Гомельшчыне за арганізацыю несанкцыянаванага мітынгу 25 сакавіка 2005 году. Павінен выйсьці на свабоду 22 сьнежня. Мае трох дзяцей.