Радыё Свабода У суботу ў Магілёве завяршыўся IX міжнародны фэстываль анімацыйных фільмаў “Анімаёўка 2006”. У дзень адкрыцьця фэстывалю, 21 верасьня, карэспандэнту Радыё Свабода ў аргкамітэце паведамілі, што ў конкурснай праграме няма беларускамоўных фільмаў. Аднак пазьней выявілася, што гэтыя зьвесткі былі памылковыя.
У конкурсе ўсё ж удзельнічала адна беларускамоўная стужка — “Як я ў пана служыў”. Мультфільм, зроблены на кінастудыі “Беларусьфільм” рэжысэрам Уладзімерам Піткевічам, быў адзначаны адмысловым прызам “За захаваньне традыцыяў”. Стужка зьнятая паводле аднайменнай беларускай народнай песьні.
Сёлета ў фэстывалі ўдзельнічалі аніматары й прадусары зь Беларусі, Армэніі, Казахстану, Латвіі, Літвы, Расеі, Узбэкістану ды Ўкраіны. Гран-пры фэстывалю, “Крыштальны алавік” зь дзесяціграмовай залатой пласьцінкай дастаўся маскоўскім аніматарам са студыі “Пілёт” за фільм “Жихарка”.
Сёлета ў фэстывалі ўдзельнічалі аніматары й прадусары зь Беларусі, Армэніі, Казахстану, Латвіі, Літвы, Расеі, Узбэкістану ды Ўкраіны. Гран-пры фэстывалю, “Крыштальны алавік” зь дзесяціграмовай залатой пласьцінкай дастаўся маскоўскім аніматарам са студыі “Пілёт” за фільм “Жихарка”.