Радыё Свабода Сёньня судзьдзя Бабруйскага гарадзкога суду Натальля Чарапуха вызначыла 10 сутак арышту дэпутату Бабруйскага гарсавету Алесю Чыгіру. Ён абвінавачваецца ў правядзеньні недазволенай акцыі 31 жніўня і непадпарадкаваньні ў гэты дзень супрацоўнікам міліцыі.
Нагадаем, што ў той дзень Алесь Чыгір прыкаваў сябе да слупу — ён пратэставаў супраць таго, што яму не падоўжылі працоўны кантракт. Настаўнік гісторыі Алесь Чыгір перакананы, што яго звольнілі са школы за актыўны ўдзел у прэзыдэнцкай кампаніі 2006 году.
Сёньня пасьля абвяшчэньня выраку Алесь Чыгір заявіў Радыё Свабода, што мясцовая ўлада асьцерагаецца акцыяў пратэсту на прэзыдэнцкім фэсьце “Дажынкі”, правядзеньня якога плянуецца 23 верасьня. “ Мяне ізалююць менавіта зь гэтай нагоды”, -- падкрэсьлівае Алесь Чыгір. Як дэпутат гарсавету ён кажа, што санкцыю на арышт даў пракурор Дудко.
Сёньня пасьля абвяшчэньня выраку Алесь Чыгір заявіў Радыё Свабода, што мясцовая ўлада асьцерагаецца акцыяў пратэсту на прэзыдэнцкім фэсьце “Дажынкі”, правядзеньня якога плянуецца 23 верасьня. “ Мяне ізалююць менавіта зь гэтай нагоды”, -- падкрэсьлівае Алесь Чыгір. Як дэпутат гарсавету ён кажа, што санкцыю на арышт даў пракурор Дудко.