Вячаслаў Кулік, Менск Сёлета на ўвесь пэрыяд жніва на Меншчыне ўведзена забарона на продаж алькагольных напояў пасьля 18.00. Адначасова Белкаапсаюз патрабуе, каб усе 10 тысяч сельскіх крамаў краіны працавалі ў падоўжаным рэжыме. Ці забясьпечаць гэтыя меры прадухіленьне п’янства пад час жніва?
У вёсцы Лань Нясьвіскага раёну – тры харчовыя крамы. Паведамляе прадавачка адной зь іх Ніна Кісель:
(Кісель: ) “Працуем да 22 гадзінаў. Паўтары стаўкі паабяцалі. Не ад аб”ёму продажу, а вызначаная сума. Гэта на ліпень месяц”.
Ніна Кісель кажа, што пасьля забароны прадаваць віно й гарэлку а 18-й гадзіне, грашовы абарот крамы зьменшыўся. У сваю чаргу супрацоўніца Нясьвіскага райпо Тамара Крэскіян ўдакладняе: у чэрвені алькаголю было прададзена на 556 мільёнаў рублёў – гэта амаль 30 працэнтаў ад усяго месячнага таваразвароту. Са слоў суразмоўцы, менш піць у вёсцы ня будуць:
(Міронава: ) “Я лічу, што гэта паказуха, канешне. Калі чалавек захоча, то знойдзе. Тым больш у вёсцы. Калі чалавеку забаранілі пасьля шасьці гадзінаў, то ён прыйдзе і купіць раней. Што, ня гэтак? Гэтак!”.
У Нясьвіскім райаддзеле міліцыі канстатуюць, што ўжо сёлета ад атручваньня алькаголем памерлі 12 чалавек. У нецьвярозым стане зьдзейсьненыя 63 злачынствы. Пра адно з апошніх нагадвае жыхарка вёскі Касмовічы Ганна Трубчык:
(Трубчык: ) “Тут адна “кропка” ёсьць. А у нас – “хімікі”. Яны прыйшлі на гэтую “кропку”, купілі, а як гаспадары паснулі, дык адламалі дзьверы і ўлезьлі. Гэта ж праўда!”
Што цяпер можа дапамагчы вяскоўцам адмовіцца ад выпіўкі на працоўных месцах? На пытаньне адказвае маці й жонка камбайнэра нясьвіскай вёскі Слаўкава Івана Герасімца:
(Наста Герасімец: ) “Праца такая – ім трэба за жніво ўсё змалаціць, Яны ж ведаюць, што капейку за гэта атрымаюць. А піць будуць – нічога не будзе. Самы такі час, калі можна грошы зарабіць”.
(Галіна Герасімец: ) “Ён на працы – ад раніцы да вечара. Дома толькі начуе. Жонку ня бачыць і дзіця, якое толькі нарадзілася”.
Дарэчы, на жніве ў Нясьвіскім раёне працуюць амаль паўтары тысячы мэханізатараў. Як падаюць міліцэйскія зводкі, у дні жніва нават сярод іх у нецьвярозым стане выяўленыя больш як 30 чалавек.
(Кісель: ) “Працуем да 22 гадзінаў. Паўтары стаўкі паабяцалі. Не ад аб”ёму продажу, а вызначаная сума. Гэта на ліпень месяц”.
Ніна Кісель кажа, што пасьля забароны прадаваць віно й гарэлку а 18-й гадзіне, грашовы абарот крамы зьменшыўся. У сваю чаргу супрацоўніца Нясьвіскага райпо Тамара Крэскіян ўдакладняе: у чэрвені алькаголю было прададзена на 556 мільёнаў рублёў – гэта амаль 30 працэнтаў ад усяго месячнага таваразвароту. Са слоў суразмоўцы, менш піць у вёсцы ня будуць:
(Міронава: ) “Я лічу, што гэта паказуха, канешне. Калі чалавек захоча, то знойдзе. Тым больш у вёсцы. Калі чалавеку забаранілі пасьля шасьці гадзінаў, то ён прыйдзе і купіць раней. Што, ня гэтак? Гэтак!”.
У Нясьвіскім райаддзеле міліцыі канстатуюць, што ўжо сёлета ад атручваньня алькаголем памерлі 12 чалавек. У нецьвярозым стане зьдзейсьненыя 63 злачынствы. Пра адно з апошніх нагадвае жыхарка вёскі Касмовічы Ганна Трубчык:
(Трубчык: ) “Тут адна “кропка” ёсьць. А у нас – “хімікі”. Яны прыйшлі на гэтую “кропку”, купілі, а як гаспадары паснулі, дык адламалі дзьверы і ўлезьлі. Гэта ж праўда!”
Што цяпер можа дапамагчы вяскоўцам адмовіцца ад выпіўкі на працоўных месцах? На пытаньне адказвае маці й жонка камбайнэра нясьвіскай вёскі Слаўкава Івана Герасімца:
(Наста Герасімец: ) “Праца такая – ім трэба за жніво ўсё змалаціць, Яны ж ведаюць, што капейку за гэта атрымаюць. А піць будуць – нічога не будзе. Самы такі час, калі можна грошы зарабіць”.
(Галіна Герасімец: ) “Ён на працы – ад раніцы да вечара. Дома толькі начуе. Жонку ня бачыць і дзіця, якое толькі нарадзілася”.
Дарэчы, на жніве ў Нясьвіскім раёне працуюць амаль паўтары тысячы мэханізатараў. Як падаюць міліцэйскія зводкі, у дні жніва нават сярод іх у нецьвярозым стане выяўленыя больш як 30 чалавек.