Радыё Свабода Аляксандар Лукашэнка прызначыў сёньня Васіля Даўгалёва надзвычайным і паўнамоцным паслом Беларусі ў Расейскай Фэдэрацыі.
З сакавіка 2004 году Даўгалёў працаваў у Маскве на пасадзе віцэ-прэм’ера — паўнамоцнага прадстаўніка беларускага прэзыдэнта ў Расеі.
Васілю Даўгалёву цяпер 55 гадоў. Паводле адукацыі — інжынэр. У 1990 годзе з пасады намесьніка дырэктара рагачоўскага заводу “Дыяпраектар” быў абраны дэпутатам Вярхоўнага Савету Беларусі XII скліканьня, дзе афіцыйна не далучаўся ні да воднай з фракцыяў.
Падчас падрыхтоўкі да першых прэзыдэнцкіх выбараў уваходзіў у каманду Генадзя Карпенкі. Пасьля таго, як Карпенка ня змог удзельнічаць у выбарах, Даўгалёў далучыўся да каманды Аляксандра Лукашэнкі.
Па перамозе Лукашэнкі Даўгалёў пачаў хуткую кар’еру — быў кіраўніком службы кантролю прэзыдэнта Беларусі, намесьнікам старшыні ўраду, паўнамоцным прадстаўніком прэзыдэнта Беларусі ў органах саюзу Беларусі й Расеі, намесьнікам старшыні выканкаму гэтага саюзу. Пры канцы 2000 году Аляксандар Лукашэнка па прэзыдэнцкай квоце зрабіў Васіля Даўгалёва (на той час старшыню Берасьцейскага аблвыканкаму) сябрам Савету Рэспублікі.
Васілю Даўгалёву цяпер 55 гадоў. Паводле адукацыі — інжынэр. У 1990 годзе з пасады намесьніка дырэктара рагачоўскага заводу “Дыяпраектар” быў абраны дэпутатам Вярхоўнага Савету Беларусі XII скліканьня, дзе афіцыйна не далучаўся ні да воднай з фракцыяў.
Падчас падрыхтоўкі да першых прэзыдэнцкіх выбараў уваходзіў у каманду Генадзя Карпенкі. Пасьля таго, як Карпенка ня змог удзельнічаць у выбарах, Даўгалёў далучыўся да каманды Аляксандра Лукашэнкі.
Па перамозе Лукашэнкі Даўгалёў пачаў хуткую кар’еру — быў кіраўніком службы кантролю прэзыдэнта Беларусі, намесьнікам старшыні ўраду, паўнамоцным прадстаўніком прэзыдэнта Беларусі ў органах саюзу Беларусі й Расеі, намесьнікам старшыні выканкаму гэтага саюзу. Пры канцы 2000 году Аляксандар Лукашэнка па прэзыдэнцкай квоце зрабіў Васіля Даўгалёва (на той час старшыню Берасьцейскага аблвыканкаму) сябрам Савету Рэспублікі.