Радыё Свабода З турмы на Акрэсьціна на волю выйшлі актывісты незарэгістраванай арганізацыі “Малады фронт” Зьміцер Дашкевіч і Артур Фінькевіч. Яны былі затрыманыя байцамі спэцназу, калі прыйшлі ў суд Маскоўскага раёну, каб прысутнічаць на судовым працэсе дацэнта пэдагагічнага ўнівэрсытэту, якога звольнілі з працы за палітычную дзейнасьць.
Першым выйшаў Зьміцер Дашкевіч, які адбываў арышт другі раз запар. Перад гэтым ён адседзеў 14 сутак разам зь іншымі лідэрамі ўсіх апазыцыйных партыяў за ўдзел у “Чарнобыльскім шляху”.
Паплечнікі Зьмітра Дашкевіча, а іх было больш за два дзясяткі, разам зь ім чакалі выхаду актывіста “Маладога Фронту” Артура Фінькевіча, а таксама актывіста са штабу Аляксандра Казуліна Паўла Драздова, якія меліся выйсьці на волю цягам гадзіны.
Супрацоўнікі міліцыі аднак вывезьлі Артура Фінькевіча на машыне з турмы на Акрэсьціна і выкінулі яго на вуліцы Сямяшка. Артур Фінькевіч на таксоўцы вырашыў вярнуцца да брамы турмы, дзе яго чакалі паплечнікі. Яны не выключаюць што з Паўлам Драздовым міліцыянты абыдуцца аналягічна.
Па вызваленьні Зьміцер Дашкевіч і Артур Фінькевіч абвясьцілі, што далучаюцца да галадоўкі, якую трымаюць актывісты арганізацыі. Яны паведамілі, што ня будуць есьці, пакуль ня будуць іхныя патрабаваньні.
Гл. таксама Госьць на "Свабодзе" -- задай сваё пытаньне Артуру Фінькевічу
Паплечнікі Зьмітра Дашкевіча, а іх было больш за два дзясяткі, разам зь ім чакалі выхаду актывіста “Маладога Фронту” Артура Фінькевіча, а таксама актывіста са штабу Аляксандра Казуліна Паўла Драздова, якія меліся выйсьці на волю цягам гадзіны.
Супрацоўнікі міліцыі аднак вывезьлі Артура Фінькевіча на машыне з турмы на Акрэсьціна і выкінулі яго на вуліцы Сямяшка. Артур Фінькевіч на таксоўцы вырашыў вярнуцца да брамы турмы, дзе яго чакалі паплечнікі. Яны не выключаюць што з Паўлам Драздовым міліцыянты абыдуцца аналягічна.
Па вызваленьні Зьміцер Дашкевіч і Артур Фінькевіч абвясьцілі, што далучаюцца да галадоўкі, якую трымаюць актывісты арганізацыі. Яны паведамілі, што ня будуць есьці, пакуль ня будуць іхныя патрабаваньні.
Гл. таксама Госьць на "Свабодзе" -- задай сваё пытаньне Артуру Фінькевічу