Радыё Свабода Вышэйшы гаспадарчы суд Беларусі пастанавіў закрыць недзяржаўную газэту “Згода”. Ініцыявала ліквідацыю Міністэрства інфармацыі, якое раней вынесла рэдакцыі два афіцыйныя папярэджаньні. Выстаўленыя абвінавачаньні выдаўцы “Згоды” называюць надуманымі, а судовае рашэньне — палітычна матываваным.
Выстаўленыя газэце папярэджаньні тычыліся публікацыяў і карыкатураў на кіраўніка краіны, а таксама малюнкаў, зьвязаных з друкаванымі карыкатурамі на прарока Мухамэда. Міністэрства інфармацыі запатрабавала ліквідаваць газэту, а суд гэтае патрабаваньне задаволіў. Вось як гэта пракамэнтаваў рэдактар “Згоды” Аляксей Кароль:
(Кароль: ) “Гэтая справа дакладна ўпісваецца ў агульную палітыку ўладаў на абмежаваньне незалежнай прэсы. Па сутнасьці, на яе ліквідацыю. Дарэчы, тая ж газэта, якая першай апублікавала гэтыя карыкатуры, існуе, як і існавала. Палітычны падтэкст тут відавочны, і ўсё гэта скіравана на абмежаваньне свабоды слова ў Беларусі”.
Паводле спадара Караля, сапраўднай прычынай ліквідацыі газэты напярэдадні выбараў стала імкненьне “Згоды” выдаць чарговы нумар да дня галасаваньня. А рашэньне аб закрыцьці судзьдзя Аксана Міхнюк прыняла, не зважаючы на той факт, што паводле дзейнага заканадаўства газэта яшчэ мела час абскардзіць выстаўленае міністэрствам папераджэньне. А таму сёньняшняе рашэньне, магчыма, будзе абскарджана, але шмат што вырашаць прэзыдэнцкія выбары, кажа Андрэй Бастунец — юрыст, які бараніў інтарэсы “Згоды” ў судзе.
(Бастунец: ) “Цягам месяца будзе зразумела, якая сытуацыя ў краіне й якія будуць магчымасьці для абскарджаньня гэтага рашэньня”.
Сёньня ж менская міліцыя сканфіскавала ў выдаўцоў 200-тысячны наклад незалежнай газэты “Товарищ”, які быў прысьвечаны прэзыдэнцкім выбарам. Раней праваахоўныя органы Віцебскай вобласьці арыштавалі і ўтрымліваюць два буйныя наклады незалежнай газэты “Народная Воля”, якія таксама прысьвечаныя выбарам. Перадвыбарчы нумар незалежнага выданьня “БДГ. Деловая газета” без тлумачэньня прычынаў адмовіўся друкаваць Смаленскі поліграфічны камбінат.
(Кароль: ) “Гэтая справа дакладна ўпісваецца ў агульную палітыку ўладаў на абмежаваньне незалежнай прэсы. Па сутнасьці, на яе ліквідацыю. Дарэчы, тая ж газэта, якая першай апублікавала гэтыя карыкатуры, існуе, як і існавала. Палітычны падтэкст тут відавочны, і ўсё гэта скіравана на абмежаваньне свабоды слова ў Беларусі”.
Паводле спадара Караля, сапраўднай прычынай ліквідацыі газэты напярэдадні выбараў стала імкненьне “Згоды” выдаць чарговы нумар да дня галасаваньня. А рашэньне аб закрыцьці судзьдзя Аксана Міхнюк прыняла, не зважаючы на той факт, што паводле дзейнага заканадаўства газэта яшчэ мела час абскардзіць выстаўленае міністэрствам папераджэньне. А таму сёньняшняе рашэньне, магчыма, будзе абскарджана, але шмат што вырашаць прэзыдэнцкія выбары, кажа Андрэй Бастунец — юрыст, які бараніў інтарэсы “Згоды” ў судзе.
(Бастунец: ) “Цягам месяца будзе зразумела, якая сытуацыя ў краіне й якія будуць магчымасьці для абскарджаньня гэтага рашэньня”.
Сёньня ж менская міліцыя сканфіскавала ў выдаўцоў 200-тысячны наклад незалежнай газэты “Товарищ”, які быў прысьвечаны прэзыдэнцкім выбарам. Раней праваахоўныя органы Віцебскай вобласьці арыштавалі і ўтрымліваюць два буйныя наклады незалежнай газэты “Народная Воля”, якія таксама прысьвечаныя выбарам. Перадвыбарчы нумар незалежнага выданьня “БДГ. Деловая газета” без тлумачэньня прычынаў адмовіўся друкаваць Смаленскі поліграфічны камбінат.