Радыё Свабода Сёньня ўначы выйшаў на волю зь менскага спэцпрыемніка-разьмеркавальніка, што на вуліцы Акрэсьціна, старшыня каардынацыйнай рады індывідуальных прадпрымальнікаў Менску Аляксандр Макаеў.
Лідэр сталічных бізнэсоўцаў адбываў пакараньне – 10 сутак арышту, паводле рашэньня суду Ленінскага раёну. Нагадаем, 10 лютага міліцыянты затрымалі яго на рынку “Чэрвеньскі” і абвінавацілі ў арганізацыі несанкцыянаванага сходу.
Напачатку суд вынес яму папярэджаньне і адпусьціў на волю. Аднак празь некалькі гадзін пракурор апратэставаў гэтае рашэньне і паўторны суд вынес яму больш строгае пакараньне – 10 сутак арышту. Паводле актывістаў прадпрымальніцкага руху, гэта зьвязана з актыўным удзелам спадара Макаева ў падрыхтоўцы прадпрымальніцкага страйку, заплянаванага на 2-3 сакавіка – падчас правядзеньня "Ўсебеларускага народнага сходу".
Напачатку суд вынес яму папярэджаньне і адпусьціў на волю. Аднак празь некалькі гадзін пракурор апратэставаў гэтае рашэньне і паўторны суд вынес яму больш строгае пакараньне – 10 сутак арышту. Паводле актывістаў прадпрымальніцкага руху, гэта зьвязана з актыўным удзелам спадара Макаева ў падрыхтоўцы прадпрымальніцкага страйку, заплянаванага на 2-3 сакавіка – падчас правядзеньня "Ўсебеларускага народнага сходу".