Радыё Свабода Падводзячы вынікі трохдзённага візыту ў Беларусь дэлегацыі Парлямэнцкай асамблеі АБСЭ, яе кіраўніца дэпутат Бундэстагу Ута Цапф заявіла на прэсавай канфэрэнцыі.
(Цапф: ) “Мы занепакоеныя, мы будзем працягваць працаваць з усімі групамі, зь якімі мы сустракаліся тут. Мы будзем падтрымліваць тых у Беларусі, хто жадае больш свабоды, дэмакратыі, празрыстасьці. Але мы будзем падтрымліваць і наш дыялёг з парлямэнтам, адміністрацыяй, бо гэта добрая магчымасьць выказваць сваю занепакоенасьць і знаходзіць шляхі нашай дапамогі для добрых зьменаў тут, каб у будучыні Беларусь стала адной з паважаных дэмакратычных краін Эўропы”.