Першы сакратар амбасады Дзяржавы Ізраіль у Менску Ігаль Койфман пабываў сёньня ў грамадзкім музэі Васіля Быкава ў Горадні.
Ён перадаў ліст ад амбасадара Зэева Бэн-Ар’е стваральніку музэю Мікалаю Мельнікаву.
Госьць прывез таксама нумар часопісу “Гаг” (“Дах”) з апавяданьнем Быкава “Бедныя людзі”, якое пераклаў на іўрыт сам амбасадар.
Разам з дыпляматам у Горадню прыехаў перакладчык з іўрыту Павал Касьцюкевіч. У Гарадзенскім дзяржаўным унівэрсытэце ён прачытаў лекцыю на беларускай мове, прысьвечаную сучаснай ізраільскай літаратуры.