Іна Студзінская, Менск 2007 год у Беларусі абвешчаны годам дзіцяці. Але чамусьці беларускія немаўляты апынуліся ня ў роўных умовах: сталічным перападае ад дзяржавы болей дапамогі, правінцыйным – меней.
Салігорскія маладыя маці абураюцца тым, што на будаўніцтва Лядовага палаца ў гарадзкім бюджэце сродкі ёсьць, а на дапамогу дзецям – няма. У сталіцы мясцовыя ўлады, маўляў, дадаткова да штомесячнай дапамогі ў 120 тысяч выдаткоўваюць яшчэ больш за 60 тысяч маладым маці. Гэтыя грошы ў народзе называюць “пампэрснымі”, кажа Натальля, якая мае чатырохмесячнага сына::
“Гэта мэрыя Менску, гэта асабістае рашэньне старшыні выканкаму Менску Міхаіла Паўлава. Дадатковыя 60 тысяч рублёў – гэта добрыя грошы для маладой маці. Як раз на пампэрсы хапае”.
Супрацоўніца аддзелу адраснай дапамогі Ўпраўленьня працы і сацыяльнай абароны Менгарвыканкаму патлумачыла:
“Гэта дадатковая выплата з дзяржбюджэту ў памеры розьніцы паміж бюджэтам пражытковага мінімуму і памерам дапамогі на дзіця. Зараз гэта 64980 рублёў, з 1 лістапада крыху павялічылася. Па заяўнаму прынцыпу неабходна прадставіць пакет дакумэнтаў”.
У Салігорску, дзе ёсьць горадаўтвараючае прадпрыемства "Беларуськалій", якое нямала дае ў гарадзкі бюджэт, такой дапамогі жанчынам няма. Высьветліць, чаму, да прыкладу, ў гарадзкім бюджэце знаходзяцца грошы на будаўніцтва Лядовага палацу, а на дапамогу малады маці – няма, нам не ўдалося. Намесьнік старшыні Салігорскага гарвыканкаму па сацыяльных пытаньнях Анатоль Казакевіч сказаў наступнае:
“Я ня ведаю, вы са Свабоды ці з “Народнай Волі”. Выбачайце, але я па тэлефоне на пытаньні сродкаў масавай інфармацыі не адказваю. Да пабачэньня”.
Супрацоўніца сталічнага аддзелу адраснай сацыяльнай дапамогі патлумачыла:
“Гэта толькі за кошт сродкаў мясцовага бюджэту, за кошт сродкаў Менгарвыканкаму. Таму тут цяжка апэляваць, чаму няма ў абласьцях. У абласьцях, канечне, бюджэт больш сьціплы, таму адміністрацыя гарвыканкамаў не ідзе на такі крок”.
Але ня так проста гэтую дадатковую “пампэрсную” дапамогу ў сталіцы атрымаць, кажа маладая маці Вольга:
“Каб яе атрымліваць, жанчына павінна сама, так бы мовіць, прыйсьці і яе папрасіць. Сабраць цэлы стос усялякіх даведак, пачынаючы з даведкі з працы, узяць даведку з месца жыхарства, пра склад сям’і і гэтак далей... Карацей, гэта займае нармальных тры дні. Потым пайсьці, напісаць заяву, і што мяне асабіста яшчэ зьдзівіла, для таго, каб атрымаць гэтую дапамогу, трэба адкрыць рахунак у “Беларусбанку”, але менавіта ў вызначаным для гэтага філіяле, які, напрыклад, ад мяне знаходзіцца вельмі далёка. Але, натуральна, многія на гэта ідуць, таму што гэта амаль палова той дапамогі, якую атрымліваеш на дзіця”.
“Гэта мэрыя Менску, гэта асабістае рашэньне старшыні выканкаму Менску Міхаіла Паўлава. Дадатковыя 60 тысяч рублёў – гэта добрыя грошы для маладой маці. Як раз на пампэрсы хапае”.
Супрацоўніца аддзелу адраснай дапамогі Ўпраўленьня працы і сацыяльнай абароны Менгарвыканкаму патлумачыла:
“Гэта дадатковая выплата з дзяржбюджэту ў памеры розьніцы паміж бюджэтам пражытковага мінімуму і памерам дапамогі на дзіця. Зараз гэта 64980 рублёў, з 1 лістапада крыху павялічылася. Па заяўнаму прынцыпу неабходна прадставіць пакет дакумэнтаў”.
У Салігорску, дзе ёсьць горадаўтвараючае прадпрыемства "Беларуськалій", якое нямала дае ў гарадзкі бюджэт, такой дапамогі жанчынам няма. Высьветліць, чаму, да прыкладу, ў гарадзкім бюджэце знаходзяцца грошы на будаўніцтва Лядовага палацу, а на дапамогу малады маці – няма, нам не ўдалося. Намесьнік старшыні Салігорскага гарвыканкаму па сацыяльных пытаньнях Анатоль Казакевіч сказаў наступнае:
“Я ня ведаю, вы са Свабоды ці з “Народнай Волі”. Выбачайце, але я па тэлефоне на пытаньні сродкаў масавай інфармацыі не адказваю. Да пабачэньня”.
Супрацоўніца сталічнага аддзелу адраснай сацыяльнай дапамогі патлумачыла:
“Гэта толькі за кошт сродкаў мясцовага бюджэту, за кошт сродкаў Менгарвыканкаму. Таму тут цяжка апэляваць, чаму няма ў абласьцях. У абласьцях, канечне, бюджэт больш сьціплы, таму адміністрацыя гарвыканкамаў не ідзе на такі крок”.
Але ня так проста гэтую дадатковую “пампэрсную” дапамогу ў сталіцы атрымаць, кажа маладая маці Вольга:
“Каб яе атрымліваць, жанчына павінна сама, так бы мовіць, прыйсьці і яе папрасіць. Сабраць цэлы стос усялякіх даведак, пачынаючы з даведкі з працы, узяць даведку з месца жыхарства, пра склад сям’і і гэтак далей... Карацей, гэта займае нармальных тры дні. Потым пайсьці, напісаць заяву, і што мяне асабіста яшчэ зьдзівіла, для таго, каб атрымаць гэтую дапамогу, трэба адкрыць рахунак у “Беларусбанку”, але менавіта ў вызначаным для гэтага філіяле, які, напрыклад, ад мяне знаходзіцца вельмі далёка. Але, натуральна, многія на гэта ідуць, таму што гэта амаль палова той дапамогі, якую атрымліваеш на дзіця”.