Алесь Дашчынскі, Менск У “Газпроме” заявілі, што перамовы з афіцыйным Менскам пра цану на газ у 2008 годзе “ідуць стабільна”. Беларускі бок прапануе канцэрну ўдзельнічаць у інвэстыцыйных праектах у Беларусі.
Чарговы раўнд перамоваў у “Газпроме” правяла намесьніца міністра энэргетыкі Беларусі Рыма Філімонава.
У размове з карэспандэнтам “Свабоды” яна сказала, што “камандзіроўка мела канфідэнцыйны характар”. Але ці ўдалося пра нешта дамовіцца?
“Ідзе працэдура перамоваў. Гэта проста быў чарговы этап, каб прыкінуць, паглядзець, пралічыць. Дамоўленасьць першапачатковая адбылася ў мінулым годзе, калі мы заключалі кантракт да 2011 году”, — кажа спадарыня Філімонава.
Першы намесьнік міністра энэргетыкі Эдуард Таўпянец сказаў:
“Працягваецца ўдакладненьне пазыцыяў. Хаця ёсьць кантракт, вызначаная формула, паводле якой павінна разьлічвацца гэтая цана. Мусяць удакладняцца парамэтры гэтай цаны, бо там ёсьць многа складнікаў, якія патрабуюць дакумэнтальнага пацьверджаньня”.
Паводле прэс-службы “Газпрому”, пра “хуткі станоўчы вынік і пералом можна меркаваць з таго, што бакі абмяркоўваюць ня столькі цану, тут практычна справа разьвязаная, засталося дакумэнты падрыхтаваць. А тое, што беларускі бок пачынае прапаноўваць “Газпрому” удзел у інвэстпраектах на тэрыторыі Беларусі, — у сфэры электраэнэргетыкі й мінэральных угнаеньняў. Дачыненьні ўжо ў іншай плашчыні. І гэта сьведчыць пра стабільнасьць перамоваў пра цану”.
Паводле дамовы, цана на газ мусіць скласьці 67% ад цаны на эўрапейскім рынку — за выняткам транспартных выдаткаў.
“Можа, лепш разьлічвацца за газ, чым аддаваць частку ўласнасьці?”
“128 даляраў — гэта кошт, які, паводле маіх зьвестак, і ёсьць ужо ў бюджэце на наступны год. Беларускія чыноўнікі не адмаўлялі, што закладзенае падвышэньне недзе на 15—20%. Яны будуць гандлявацца і будуць прапаноўваць нейкія ўмовы, каб атрымаць такую лічбу. Бо на гэта завязаная ўся эканоміка”.
“У гэтых выпадках мы, грамадзяне Беларусі, маем права ведаць, што ў нас зьбіраюцца забраць і прадаць. І што лепш? Можа, лепш разьлічвацца за газ, чым аддаваць частку ўласнасьці сваіх прадпрыемстваў? Вось тут улада мусіць быць сумленная і шчырая”.
Паводле спадара Заікі, Беларусь мусіць як мага хутчэй выйсьці на нармалёвыя эўрапейскія тарыфы на газ:
“Танны газ — наркотык для эканомікі. Гэта філязофія 1990-х гадоў, філязофія няздараў. Калі слабы ўрад сваіх інвэстыцыйных праграмаў ня мае, не ўяўляе, як выходзіць з такой сытуацыі, то пачынае выстаўляць на торг частку сваёй уласнасьці й чакаць, што цэны паменшаюць”.
“Газпром” “прывяжа” кошты газу для Беларусі да Польшчы, 19.11.2007
У размове з карэспандэнтам “Свабоды” яна сказала, што “камандзіроўка мела канфідэнцыйны характар”. Але ці ўдалося пра нешта дамовіцца?
“Ідзе працэдура перамоваў. Гэта проста быў чарговы этап, каб прыкінуць, паглядзець, пралічыць. Дамоўленасьць першапачатковая адбылася ў мінулым годзе, калі мы заключалі кантракт да 2011 году”, — кажа спадарыня Філімонава.
Першы намесьнік міністра энэргетыкі Эдуард Таўпянец сказаў:
“Працягваецца ўдакладненьне пазыцыяў. Хаця ёсьць кантракт, вызначаная формула, паводле якой павінна разьлічвацца гэтая цана. Мусяць удакладняцца парамэтры гэтай цаны, бо там ёсьць многа складнікаў, якія патрабуюць дакумэнтальнага пацьверджаньня”.
Паводле прэс-службы “Газпрому”, пра “хуткі станоўчы вынік і пералом можна меркаваць з таго, што бакі абмяркоўваюць ня столькі цану, тут практычна справа разьвязаная, засталося дакумэнты падрыхтаваць. А тое, што беларускі бок пачынае прапаноўваць “Газпрому” удзел у інвэстпраектах на тэрыторыі Беларусі, — у сфэры электраэнэргетыкі й мінэральных угнаеньняў. Дачыненьні ўжо ў іншай плашчыні. І гэта сьведчыць пра стабільнасьць перамоваў пра цану”.
Паводле дамовы, цана на газ мусіць скласьці 67% ад цаны на эўрапейскім рынку — за выняткам транспартных выдаткаў.
“Можа, лепш разьлічвацца за газ, чым аддаваць частку ўласнасьці?”
“128 даляраў — гэта кошт, які, паводле маіх зьвестак, і ёсьць ужо ў бюджэце на наступны год. Беларускія чыноўнікі не адмаўлялі, што закладзенае падвышэньне недзе на 15—20%. Яны будуць гандлявацца і будуць прапаноўваць нейкія ўмовы, каб атрымаць такую лічбу. Бо на гэта завязаная ўся эканоміка”.
“У гэтых выпадках мы, грамадзяне Беларусі, маем права ведаць, што ў нас зьбіраюцца забраць і прадаць. І што лепш? Можа, лепш разьлічвацца за газ, чым аддаваць частку ўласнасьці сваіх прадпрыемстваў? Вось тут улада мусіць быць сумленная і шчырая”.
Паводле спадара Заікі, Беларусь мусіць як мага хутчэй выйсьці на нармалёвыя эўрапейскія тарыфы на газ:
“Танны газ — наркотык для эканомікі. Гэта філязофія 1990-х гадоў, філязофія няздараў. Калі слабы ўрад сваіх інвэстыцыйных праграмаў ня мае, не ўяўляе, як выходзіць з такой сытуацыі, то пачынае выстаўляць на торг частку сваёй уласнасьці й чакаць, што цэны паменшаюць”.
“Газпром” “прывяжа” кошты газу для Беларусі да Польшчы, 19.11.2007