Ганна Соўсь, Менск Сёньня амбасада Літвы ў Беларусі прэзэнтуе мастацкі праект “Літва і ўсходнія суседзі: дыялёг у выяўленчым мастацтве”.
У праекце бяруць удзел мастакі зь Літвы, Беларусі і Ўкраіны. Яны прэзэнтуюць свае творы, якія адлюстроўваюць гістарычныя постаці й падзеі часу Вялікага Княства Літоўскага.
Зь беларускага боку ў выставе бярэ ўдзел мастак Аляксей Марачкін:
“Гэты праект ініцыяваны і фактычна рэалізаваны мастаком Раймондасам Савіцкасам, сынам вядомага літоўскага мастака Аўгусьцінаса Савіцкаса. Гэта актуальны і ўнікальны праект.
У жывапісе і ў роздуме мы задаем пытаньні. Хто мы? Які мы народ — што мае вялікую культурную і шматмоўную спадчыну? Ці ідзем мы тымі сьцежкамі, пракладзенымі ў свой час Вялікім Княствам Літоўскім? На гэтыя пытаньні адказваюць мастакі сваімі творамі.
Я паказаў яшчэ напісаны ў 1980 годзе партрэт “Вітаўт Вялікі” і сёньняшнія творы, прысьвечаныя Гедыміну, партрэт Багуслава Радзівіла ды іншыя”, — распавёў Аляксей Марачкін.
Пасьля Менску выстава “Літва і ўсходнія суседзі: дыялёг у выяўленчым мастацтве” будзе паказаная ва Ўкраіне і Польшчы.
Зь беларускага боку ў выставе бярэ ўдзел мастак Аляксей Марачкін:
“Гэты праект ініцыяваны і фактычна рэалізаваны мастаком Раймондасам Савіцкасам, сынам вядомага літоўскага мастака Аўгусьцінаса Савіцкаса. Гэта актуальны і ўнікальны праект.
У жывапісе і ў роздуме мы задаем пытаньні. Хто мы? Які мы народ — што мае вялікую культурную і шматмоўную спадчыну? Ці ідзем мы тымі сьцежкамі, пракладзенымі ў свой час Вялікім Княствам Літоўскім? На гэтыя пытаньні адказваюць мастакі сваімі творамі.
Я паказаў яшчэ напісаны ў 1980 годзе партрэт “Вітаўт Вялікі” і сёньняшнія творы, прысьвечаныя Гедыміну, партрэт Багуслава Радзівіла ды іншыя”, — распавёў Аляксей Марачкін.
Пасьля Менску выстава “Літва і ўсходнія суседзі: дыялёг у выяўленчым мастацтве” будзе паказаная ва Ўкраіне і Польшчы.