Радыё Свабода Учора міністар замежных справаў Ізраілю Цыпі Ліўні рэзка скрытыкавала антысэміцкія заўвагі Аляксандра Лукашэнкі, выказаныя ім на мінулым тыдні на прэсавай канфэрэнцыі перад расейскімі рэгіянальнымі журналістамі. Пасол Беларусі ў Ізраілі Ігар Ляшчэня быў выкліканы ў Міністэрства замежных справаў Ізраілю.
Як паведамляе газэта “Гаарэц”, падчас тлумачальнай гутаркі з намесьнікам кіраўніка дэпартамэнту Эўропы і Азіі ізраільскага МЗС Піні Авіві, пасол Беларусі паспрабаваў абвергнуць інфармацыю аб выказваньнях Лукашэнкі, што выклікала дадатковы гнеў супрацоўнікаў МЗС. “Гэта ня нейкі клерк – гэта ваш прэзыдэнт, ні менш ні больш, і мы шакаваныя і выказваем нашае абурэньне. Апрача прэзыдэнта Ірану ніхто так не гаворыць”, – сказаў Піні Авіві паслу Ляшчэню.
Кіраўніцтва МЗС зазначыла, што ізраільскі пасол у Беларусі цяпер знаходзіцца ў адпачынку ў Ізраілі і што напачатку разглядалася прапанова адкласьці ягонае вяртаньне ў Беларусь. Аднак урэшце было вырашана ўстрымацца ад такога кроку, каб не паглыбляць крызыс. “Але мы ня будзем вагацца вярнуць пасла, калі такія выказваньні прагучаць зноў”, – сказаў высокапастаўлены службовец міністэрства. Адпаведная нота была перададзеная беларускаму паслу.
У пасольстве Беларусі ў Ізраілі ў адказ на запыт інтэрнэт-рэсурсу NEWSru.co.il ня сталі камэнтаваць згаданую цытату з выступу А.Лукашэнкі. Прадстаўнік пасольства зазначыў, што ня можа даваць ніякіх камэнтароў з гэтай нагоды, бо гэтай цытаты няма ў афіцыйнай стэнаграме выступу прэзыдэнта Беларусі.
Нагадаем, што падчас прэсавай канфэрэнцыі, якая трансьлявалася ў жывым эфіры Першай праграмы Беларускага радыё, кіраўнік Беларусі заявіў: "Калі вы былі ў Бабруйску, вы бачылі, у якім стане горад. У яго страшна было зайсьці! Сьвінушнік быў! Гэта ў асноўным быў яўрэйскі горад. Ну, вы ведаеце, як яўрэі ставяцца да месца, дзе яны жывуць. Паглядзіце ў Ізраілі".
Запіс з эфіру Беларускага радыё, 12 кастрычніка 2007 году, каля 14.30:
Амбасадар Ізраілю яшчэ ў сераду вылецеў зь Беларусі, 19.04.2007 МЗС Ізраілю адклікала пасла зь Беларусі для кансультацыяў, 19.04.2007
Кіраўніцтва МЗС зазначыла, што ізраільскі пасол у Беларусі цяпер знаходзіцца ў адпачынку ў Ізраілі і што напачатку разглядалася прапанова адкласьці ягонае вяртаньне ў Беларусь. Аднак урэшце было вырашана ўстрымацца ад такога кроку, каб не паглыбляць крызыс. “Але мы ня будзем вагацца вярнуць пасла, калі такія выказваньні прагучаць зноў”, – сказаў высокапастаўлены службовец міністэрства. Адпаведная нота была перададзеная беларускаму паслу.
У пасольстве Беларусі ў Ізраілі ў адказ на запыт інтэрнэт-рэсурсу NEWSru.co.il ня сталі камэнтаваць згаданую цытату з выступу А.Лукашэнкі. Прадстаўнік пасольства зазначыў, што ня можа даваць ніякіх камэнтароў з гэтай нагоды, бо гэтай цытаты няма ў афіцыйнай стэнаграме выступу прэзыдэнта Беларусі.
Нагадаем, што падчас прэсавай канфэрэнцыі, якая трансьлявалася ў жывым эфіры Першай праграмы Беларускага радыё, кіраўнік Беларусі заявіў: "Калі вы былі ў Бабруйску, вы бачылі, у якім стане горад. У яго страшна было зайсьці! Сьвінушнік быў! Гэта ў асноўным быў яўрэйскі горад. Ну, вы ведаеце, як яўрэі ставяцца да месца, дзе яны жывуць. Паглядзіце ў Ізраілі".
Запіс з эфіру Беларускага радыё, 12 кастрычніка 2007 году, каля 14.30:
Амбасадар Ізраілю яшчэ ў сераду вылецеў зь Беларусі, 19.04.2007 МЗС Ізраілю адклікала пасла зь Беларусі для кансультацыяў, 19.04.2007