Ганна Соўсь, Менск Сёньня ў Менску праходзіць вулічная акцыя “Эўрапейскі марш”. У ёй узялі ўдзел паводле розных падлікаў ад 3 да 5 тысяч чалавек. Марш праходзіць пад лёзунгам эўрапейскага выбару Беларусі. Менскія ўлады дазволілі правесьці акцыю ад Акадэміі навук да плошчы Бангалор. Аднак частка людзей сабралася на Кастрычніцкай плошчы, плянаваным раней месцы збору, і адтуль пайшлі праспэктам Незалежнасьці да Акадэміі навук.
