Сяргей Абламейка, Прага Ва Ўкраіне адбыліся датэрміновыя парлямэнцкія выбары. Падлік бюлетэняў працягваецца. Наперадзе дзьве палітычныя сілы – Партыя рэгіёнаў прэм’ер-міністра Віктара Януковіча і блёк Юліі Цімашэнкі. На трэцім месцы – прапрэзыдэнцкі блёк “Наша Ўкраіна-Народная самаабарона”. У Вярхоўную Раду таксама праходзяць камуністы Сіманенкі, блёк Літвіна і Сацыялістычная партыя Мароза.
Юлія Цімашэнка завіла, што разам з прапрэзыдэнцкім блёкам яе каманда гатовая скласьці парлямэнцкую большасьць і сфармаваць урад:
“Цяпер на парлямэнцкіх выбарах зноў перамаглі дэмакратычныя сілы Ўкраіны, і супольна мы (як і заўсёды) набралі болей працэнтаў, чым нашы апанэнты. Гэта прыемна. І я хацела б і прэзыдэнта, і ўсю нашу супольную дэмакратычную каманду павіншаваць з тым, што мы сапраўды сёньня маем відавочную перамогу”.
Аднак і прэм’ер-міністар Віктар Януковіч таксама заявіў, што яго партыя мае права сфармаваць новы кабінэт міністраў:
“Гэта значная падтрымка ўкраінскага народу, гэта паляпшэньне выніку волевыяўленьня выбарцаў на мінулых выбарах 2006 году і гэта карт-блянш для Партыі рэгіёнаў сфармаваць новы пасьпяховы ўрад”.
За хадою датэрміновых выбараў ва Ўкраіне сачылі болей за 3 тысячы назіральнікаў, у тым ліку, 700 – ад АБСЭ. Сёньня прэсавая сакратарка Эўрапейскай камісіі Крыстыяна Гоман заявіла:
“Першыя вынікі паказваюць, што яўка выбарцаў была вельмі высокая, і гэта тое, што мы вітаем. Мы віншуем украінскі народ, таму што ён працягвае выкарыстоўваць дэмакратычныя правы для абраньня ўраду. Для нас гэта азначае, што ўкраінцы выбралі шлях працягу рэформаў”.
“Цяпер на парлямэнцкіх выбарах зноў перамаглі дэмакратычныя сілы Ўкраіны, і супольна мы (як і заўсёды) набралі болей працэнтаў, чым нашы апанэнты. Гэта прыемна. І я хацела б і прэзыдэнта, і ўсю нашу супольную дэмакратычную каманду павіншаваць з тым, што мы сапраўды сёньня маем відавочную перамогу”.
Аднак і прэм’ер-міністар Віктар Януковіч таксама заявіў, што яго партыя мае права сфармаваць новы кабінэт міністраў:
“Гэта значная падтрымка ўкраінскага народу, гэта паляпшэньне выніку волевыяўленьня выбарцаў на мінулых выбарах 2006 году і гэта карт-блянш для Партыі рэгіёнаў сфармаваць новы пасьпяховы ўрад”.
За хадою датэрміновых выбараў ва Ўкраіне сачылі болей за 3 тысячы назіральнікаў, у тым ліку, 700 – ад АБСЭ. Сёньня прэсавая сакратарка Эўрапейскай камісіі Крыстыяна Гоман заявіла:
“Першыя вынікі паказваюць, што яўка выбарцаў была вельмі высокая, і гэта тое, што мы вітаем. Мы віншуем украінскі народ, таму што ён працягвае выкарыстоўваць дэмакратычныя правы для абраньня ўраду. Для нас гэта азначае, што ўкраінцы выбралі шлях працягу рэформаў”.