Радыё Свабода Шэсьцьдзесят дзевяць пікетаў супраць адмены сацыяльных льготаў замовілі на 30 верасьня актывісты аб’яднаных дэмакратычных сілаў Гомельскай вобласьці.
Дваццаць восем зь іх мелі адбыцца ў абласным цэнтры, трынаццаць — у Сьветлагорску, дзесяць — у Рагачове, пяць пікетаў — у Рэчыцы, а таксама ў Мазыры, Калінкавічах, Петрыкаве.
Аднак мясцовыя выканаўчыя камітэты не дазволілі ніводнай акцыі.
Да прыкладу, Гомельскі гарвыканкам, адмаўляючы, спасылаўся на парушэньне заяўнікамі артыкулу 14 закону “Аб масавых мерапрыемствах…” — нібыта “заявы ня ўтрымліваюць зьвестак пра прозьвішча, імя й імя па бацьку грамадзянаў, якія зьвярнуліся па дазвол”. А ў другім выпадку чыноўнікі заявілі, што замовы падалі “пазьней, чым за 15 дзён да даты правядзеньня масавага мерапрыемства”.
Як патлумачыў адзін з заяўнікаў пікету, гомельскі актывіст Уладзімер Сякерка, гэта “звычайныя адгаворкі: замовы накіраваныя заказнымі лістамі поштай 14 верасьня, за 16 дзён да пікету”.
А вось як тлумачыць адмову супрацоўніца Гомельскага гарвыканкаму Алена Шувалава:
“Прычына, паводле якой адмовілі, патлумачаная. Я лічу, што дастаткова. Дапаўненьняў якіх-небудзь у мяне няма”.
Аднак мясцовыя выканаўчыя камітэты не дазволілі ніводнай акцыі.
Да прыкладу, Гомельскі гарвыканкам, адмаўляючы, спасылаўся на парушэньне заяўнікамі артыкулу 14 закону “Аб масавых мерапрыемствах…” — нібыта “заявы ня ўтрымліваюць зьвестак пра прозьвішча, імя й імя па бацьку грамадзянаў, якія зьвярнуліся па дазвол”. А ў другім выпадку чыноўнікі заявілі, што замовы падалі “пазьней, чым за 15 дзён да даты правядзеньня масавага мерапрыемства”.
Як патлумачыў адзін з заяўнікаў пікету, гомельскі актывіст Уладзімер Сякерка, гэта “звычайныя адгаворкі: замовы накіраваныя заказнымі лістамі поштай 14 верасьня, за 16 дзён да пікету”.
А вось як тлумачыць адмову супрацоўніца Гомельскага гарвыканкаму Алена Шувалава:
“Прычына, паводле якой адмовілі, патлумачаная. Я лічу, што дастаткова. Дапаўненьняў якіх-небудзь у мяне няма”.