Аляксей Дзікавіцкі, Варшава У Польшчы апазыцыя абвінавачвае ўлады ў “беларускім стылі” перасьледу палітычных апанэнтаў – учора былі арыштаваныя былы міністар унутраных спраў Януш Качмарак, былы кіраўнік паліцыі Конрад Карнатоўскі і былы дырэктар буйнейшай дзяржаўнай страхавой фірмы PZU Ярамір Нэтцэль. Прэм’ер адказвае – гэта звычайныя сьледчыя дзеяньні.
Мажэна Муха-Падлеўска з варшаўскай акруговай пракуратуры, камэнтуючы затрыманьні Качмарка, Карнатоўскага і Нэтцэля заявіла, што гэта зьвязана з “уцечкай інфармацыі” аб плянаванай антыкарупцыйнай апэрацыі ў міністэрстве сельскай гаспадаркі.
“Пракуратура ў Варшаве пасьля неабходных сьледчых захадаў падрабязна патлумачыць, на якой падставе і навошта былі затрыманыя гэтыя асобы”.
Качмарка арыштавалі за тое, што папярэдзіў Лепэра?
Тры тыдні таму прэм’ер Яраслаў Качыньскі нечакана накіраваў у адстаўку міністра унутраных спраў Януша Качмарака.
“Міністар Качмарак апынуўся сярод падазроных асобаў у справе ўцечкі інфармацыі, якая прынамсі часткова зрабіла немагчымай апэрацыю ў міністэрстве сельскай гаспадаркі супраць тых, хто хацеў узяць хабар за перадачу зямлі пад забудову”.
Спэцслужбы плянавалі арыштаваць шэраг чыноўнікаў, у тым ліку і тагачаснага віцэ-прэм’ера і міністра сельскай гаспадаркі Анджэя Лепэра, але нехта яго папярэдзіў, так што міністар пазьбег затрыманьня.
Пасьля адстаўкі Качмарак абвінаваціў кіруючую партыю “Права і справядлівасьць” у таталітарных мэтадах і выкарыстоўваньні спэцслужбаў дзеля барацьбы з палітычнымі апанэнтамі.
“Я не саступлю, буду змагацца і не дазволю сябе запалохаць”, заявіў Качмарак.
Апазыцыя называе ягоныя заявы “вялікім шокам”, а прадстаўнікі кіруючай партыі – “відавочнай палітычнай правакацыяй”.
Звычайныя сьледчыя дзеяньні – ці палітычна матываваны арышт?
“Гэта звычайныя сьледчыя дзеяньні і надаваньне гэтаму нейкага іншага значэньня цалкам беспадстаўнае”, заявіў прэм’ер Качыньскі, камэнтуючы арышт былога мінсітра.
Прадстаўнік Качмарка Войцех Браховіч падкрэсьліў, што арышт ягонага кліента матываваны палітычна.
“Мая ацэнка – адназначная. Мой кліент казаў рэчы, невыгодныя для цяперашніх уладаў, і вынік гэтага такі, як у цяперашняй Беларусі – яму заткнулі рот”.
Захады пракуратуры крытыкуюць былыя прэзыдэнты Лех Валэнса і Аляксандар Квасьнеўскі, а ў парлямэнце амаль усе партыі, у тым ліку і “Права і справядлівасьць”, заявілі, што 7 верасьня прагаласуюць за самароспуск і прызначэньне датэрміновых выбараў.
“Пракуратура ў Варшаве пасьля неабходных сьледчых захадаў падрабязна патлумачыць, на якой падставе і навошта былі затрыманыя гэтыя асобы”.
Качмарка арыштавалі за тое, што папярэдзіў Лепэра?
Тры тыдні таму прэм’ер Яраслаў Качыньскі нечакана накіраваў у адстаўку міністра унутраных спраў Януша Качмарака.
“Міністар Качмарак апынуўся сярод падазроных асобаў у справе ўцечкі інфармацыі, якая прынамсі часткова зрабіла немагчымай апэрацыю ў міністэрстве сельскай гаспадаркі супраць тых, хто хацеў узяць хабар за перадачу зямлі пад забудову”.
Спэцслужбы плянавалі арыштаваць шэраг чыноўнікаў, у тым ліку і тагачаснага віцэ-прэм’ера і міністра сельскай гаспадаркі Анджэя Лепэра, але нехта яго папярэдзіў, так што міністар пазьбег затрыманьня.
Пасьля адстаўкі Качмарак абвінаваціў кіруючую партыю “Права і справядлівасьць” у таталітарных мэтадах і выкарыстоўваньні спэцслужбаў дзеля барацьбы з палітычнымі апанэнтамі.
“Я не саступлю, буду змагацца і не дазволю сябе запалохаць”, заявіў Качмарак.
Апазыцыя называе ягоныя заявы “вялікім шокам”, а прадстаўнікі кіруючай партыі – “відавочнай палітычнай правакацыяй”.
Звычайныя сьледчыя дзеяньні – ці палітычна матываваны арышт?
“Гэта звычайныя сьледчыя дзеяньні і надаваньне гэтаму нейкага іншага значэньня цалкам беспадстаўнае”, заявіў прэм’ер Качыньскі, камэнтуючы арышт былога мінсітра.
Прадстаўнік Качмарка Войцех Браховіч падкрэсьліў, што арышт ягонага кліента матываваны палітычна.
“Мая ацэнка – адназначная. Мой кліент казаў рэчы, невыгодныя для цяперашніх уладаў, і вынік гэтага такі, як у цяперашняй Беларусі – яму заткнулі рот”.
Захады пракуратуры крытыкуюць былыя прэзыдэнты Лех Валэнса і Аляксандар Квасьнеўскі, а ў парлямэнце амаль усе партыі, у тым ліку і “Права і справядлівасьць”, заявілі, што 7 верасьня прагаласуюць за самароспуск і прызначэньне датэрміновых выбараў.