Радыё Свабода Сябры дабрачыннай арганізацыі “Чарнобыльская дапамога дзецям з Гомельшчыны” зь нямецкага Габітцхайму лічаць, што падвышэньне коштаў шэнгенскіх візаў для беларусаў з 35 эўра да 60 ёсьць аплявухай для многіх чарнобыльскіх ахвяраў. У часе чарговага сходу арганізацыі, прысьвечанага летнім вакацыям беларускіх дзяцей, удзельнікі заклікалі іншыя нямецкія ініцыятывы накіраваць адмысловы ліст да кіраўніцтва Эўразьвязу.
Жыхары Габітцхайму ад пачатку 90-х стала запрашаюць да сябе на аздараўленьне юных беларусаў, традыцыйна аплачваюць ўсе выдаткі – ад мэдычнай страхоўкі да транспарту і ўтрыманьня. Паводле нямецкага боку, увядзеньне ЭЗ больш высокіх консульскіх збораў можа выклікаць фінансавыя праблемы ў арганізатараў, і ў выніку прывесьці да скарачэньня дзіцячых чарнобыльскіх праграмаў.
Сябры дабрачыннай арганізацыі рэзка крытыкуюць і працэдуру біямэтрычных візаў у дачыненьні да хворых дзяцей. “І без таго слабыя дзеці мусяць дадаткова ехаць у Менск, выстойваць шматгадзінныя чэргі перад амбасадай, нават начаваць у незнаёмым для іх горадзе”, – абураюцца ўдзельнікі сходу.
Сябры арганізацыі “Чарнобыльская дапамога для дзяцей з Гомельшчыны” настойваюць на больш гнуткіх падыходах кіраўніцтва ЭЗ, прынамсі, да ўдзельнікаў гуманітарных чарнобыльскіх праектаў.
Гл. таксама
Латвія плянуе прапанаваць бясплатныя візы
Францыя хоча падвысіць візы, Цэнтральная Эўропа супраць
Сябры дабрачыннай арганізацыі рэзка крытыкуюць і працэдуру біямэтрычных візаў у дачыненьні да хворых дзяцей. “І без таго слабыя дзеці мусяць дадаткова ехаць у Менск, выстойваць шматгадзінныя чэргі перад амбасадай, нават начаваць у незнаёмым для іх горадзе”, – абураюцца ўдзельнікі сходу.
Сябры арганізацыі “Чарнобыльская дапамога для дзяцей з Гомельшчыны” настойваюць на больш гнуткіх падыходах кіраўніцтва ЭЗ, прынамсі, да ўдзельнікаў гуманітарных чарнобыльскіх праектаў.
Гл. таксама
Латвія плянуе прапанаваць бясплатныя візы
Францыя хоча падвысіць візы, Цэнтральная Эўропа супраць