27-гадовы грамадзянін ЗША затрыманы за нелегальнае перасячэньне беларускай мяжы, вынікае з паведамленьня Дзяржаўнага мытнага камітэту 31 сакавіка.
Гэта адбылося на чыгуначнай станцыі Маладэчна ў Менскай вобласьці. Амэрыканец ехаў зь Літвы «ў адным з парожніх вагонаў [таварнага] чыгуначнага саставу».
«Для далейшых разбораў парушальнік перададзены органам памежнай службы», — гаворыцца ў паведамленьні Дзяржаўнага мытнага камітэту.
ГЛЯДЗІЦЕ ТАКСАМА: Знайшлі целы трох амэрыканскіх вайскоўцаў, якія загінулі ў Літве