Раніцай 25 сакавіка на прадпрыемстве Poličské strojírny на ўсходзе Чэхіі адбыўся выбух. Адзін чалавек паранены, паведаміла Чэскае грамадзкае радыё.
Паводле інфармацыі ратаўнікоў, здарэньне адбылося на складзе боепрыпасаў. Пажарныя эвакуавалі людзей з навакольля, аб’явіўшы трэці ўзровень трывогі з чатырох.
Ратавальнікі накіравалі на месца выбуху дзьве каманды і верталёт.
«Гэта быў выбух на складзе боепрыпасаў. Людзей эвакуавалі, мае быць адзін пацярпелы», — паведаміла прэс-сакратарка ратаўнікоў Алена Кісяла.
Цяжкапараненага на верталёце даставілі ў шпіталь у Оламаўцы. 11 пажарных падразьдзелаў працуюць на месцы здарэньня, паведаміла пажарная служба на сваёй старонцы ў сацыяльнай сетцы X.
Чэская паліцыя паведаміла ў сетцы X, што найбольш праўдападобнай прычынай выбуху стаў дэфэкт тэхналёгіі вытворчасьці ў адным з цэхаў.
ГЛЯДЗІЦЕ ТАКСАМА: У Баўгарыі адбыўся пажар на складзе, што належыць бізнэсоўцу, які пастаўляе зброю Ўкраіне