На скрыжаваньні Лагойскага тракту і вуліцы Гамарніка ў Менску загарэўся аўтобус, паведамляе Менскае ДАІ.
Рух абмежавалі, на месцы здарэньня працуюць міліцыянты і супрацоўнікі Міністэрства ў надзвычайных сытуацыях. МНС паведамляе, што пажар пагасілі, ахвяраў не было.
У Расеі і ў Беларусі летась ня раз загараліся аўтобусы, якія вырабляе Менскі аўтамабільны завод. Было некалькі выпадкаў, калі аўтобус падчас руху, з пасажырамі, якія знаходзіліся ў салёне, пачынаў гарэць або дыміцца.
ГЛЯДЗІЦЕ ТАКСАМА: Аўтобусы МАЗ загараюцца ўсё часьцей. Як гэта зьвязана зь міжнароднымі санкцыямі ГЛЯДЗІЦЕ ТАКСАМА: У Расеі згарэў чарговы аўтобус МАЗ