Дырэктар Нацыянальнага агенцтва па турызьме Дзьмітры Марозаў назваў самыя папулярныя экскурсіі ў турыстаў, як беларускіх, так і замежных.
У лідэрах — аглядная экскурсія па Менску, па помніках Міра і Нясьвіжа, у Белавескую пушчу, наведваньне Берасьця, Горадні, Полацка, Віцебска, Магілёва, Гомля, Пінска.
Сярод прывабных маршрутаў Марозаў назваў таксама «Астравецкую кругасьветку» па Паўночна-заходняй Беларусі, нацыянальны парк «Прыпяцкі», Бярэзінскі біясфэрны запаведнік, Налібоцкі заказьнік. Папулярныя таксама Дудуткі, БелАЗ, Хатынь і Курган Славы.
— Хіты апошніх гадоў — маршруты, якія ўключаюць Косава і Ружаны, а таксама палац Булгакаў у Жылічах па маршруце Бабруйск — Чырвоны Бераг — Жылічы, — цытуе Дзьмітрыя Марозава сайт sb.by.
ГЛЯДЗІЦЕ ТАКСАМА: У нацпарку «Прыпяцкі» ствараюць штучныя гнёзды для самай рэдкай у Беларусі пеўчай птушкі