У Беларусі ўзаконілі абмен з Расеяй інфармацыяй аб іншаземцах, якія перасякаюць беларускую мяжу, аб забаронах на ўезд ці выезд, аб ануляваных дакумэнтах на права жыхарства ў Расеі ці Беларусі.
Як адзначаецца ў апублікаваным на Нацыянальным праўным інтэрнэт-партале Беларусе указе Аляксандра Лукашэнкі, такую інфармацыйную сыстэму абмену створаць да 1 красавіка 2025 году.
Суб’ектамі і карыстальнікамі гэтай сыстэмы будуць МУС, МЗС, Дзяржаўны памежны камітэт, КДБ, Камітэт дзяржаўнага кантролю, Апэратыўна-аналітычны цэнтар і афіцыйны апэратар продажу квіткоў на спартовыя і культурныя імпрэзы.
ГЛЯДЗІЦЕ ТАКСАМА: Лукашэнка падпісаў указ аб абмене з Расеяй інфармацыяй аб перасячэньні мяжыЯк паведамляла Свабода, Аляксандр Лукашэнка 12 сакавіка падпісаў указ № 107 «Аб інфармацыйнай сыстэме абмену зьвесткамі аб замежных грамадзянах і асобах без грамадзянства».
Улады сьцьвярджалі, што гэты дакумэнт прыняты дзеля ўдасканаленьня падыходаў да фармаваньня адзінай міграцыйнай прасторы на агульных прынцыпах дзяржаваў — удзельніц Дамовы аб стварэньні Саюзнай дзяржавы і накіраваны на рэалізацыю беларуска-расейскага міжурадавага пагадненьня аб узаемным прызнаньні візаў і іншых пытаньнях, зьвязаных з уездам замежных грамадзян і асобаў без грамадзянства на тэрыторыю Саюзнай дзяржавы.
ГЛЯДЗІЦЕ ТАКСАМА: Беларусь і Расея падпісалі пратакол пра абмен зьвесткамі аб «неўязных»У 2017 годзе Беларусь і Расея падпісалі пратакол пра абмен зьвесткамі аб «неўязных» беларусах і расейцах, але абмен інфармацыяй аб іншаземцах ня быў унармаваны, хоць беларускія памежнікі адмаўлялі ўва ўезьдзе найперш грамадзянам Украіны.
ГЛЯДЗІЦЕ ТАКСАМА: У Беларусь забаронены ўезд больш як мільёну чалавек. 88% — з агульнага з Расеяй сьпісу