У правінцыі Пакістану Бэлюджыстан узброеныя сэпаратысты захапілі ў закладнікі больш як 450 пасажыраў цягніка, машыніст паранены. Пра гэта паведамляе AFP з спасылкай на мясцовыя ўлады.
Цягнік, які накіроўваўся з гораду Квэта ў Пэшавар, атакавалі чальцы групоўкі «Армія вызваленьня Бэлюджыстану». Як піша CNN, яны ўзялі на сябе адказнасьць за атаку і паведамілі пра захоп закладнікаў.
Прадстаўнік ураду Бэлуджыстану Шагід Рынд заявіў, што ўлады ўвялі надзвычайныя меры, на месца нападу адпраўлены сілы бясьпекі.
ЗША ўнесьлі «Армію вызваленьня Бэлюджыстану» ў сьпіс тэрарыстычных арганізацыяў.