У Міністэрстве ўнутраных справаў Грузіі паведамілі, што ў 2024 годзе сярод тых, хто ўяжджаў і выяжджаў, сама больш было грамадзян Расеі.
Згодна зь лічбамі ведамства, паток расейцаў летась стаў рэкордным — колькасьць уездаў грамадзян Расеі склала 1 882 981, а выездаў — 1 885 238.
Грамадзяне Беларусі ўяжджалі на тэрыторыю Грузіі 180 284 разы і выяжджалі 180 231 раз — гэта 9-е месца сярод усіх іншаземцаў, якія перасякалі грузінскую мяжу.
Усяго ў 2024 годзе іншаземцы ўяжджалі ў Грузію 7 423 435 разоў, зь іх 16% з мэтай транзыту, а амаль 52% іншаземных грамадзян заставаліся ў краіне на 24 гадзіны і больш.
На другім пасьля расейцаў месцы грамадзяне Турэччыны, на трэцім — Армэніі, на чацьвёртым і пятым — адпаведна грамадзяне краін Эўразьвязу і Ізраілю.
ГЛЯДЗІЦЕ ТАКСАМА: У 2019-2024 гадах Грузія не задаволіла ніводнага хадайніцтва беларусаў аб наданьні прытулку, адхілена 56 заяваў