8 сакавіка — Дзень салідарнасьці жанчын у барацьбе за свае правы. Многія беларускія жанчыны сёньня сутыкаюцца зь цяжкасьцямі: хтосьці яшчэ ў зьняволеньні, хтосьці ўжо на волі, але мае патрэбу ў падтрымцы.
У знак салідарнасьці зь беларускамі праект «Хуткая гуманітарная дапамога» (фонд BYSOL, грамадская кампанія By_Help, фонд «Краіна для жыцьця» і праваабарончая ініцыятыва Dissidentby) аб’явіла штогадовы дабрачынны збор на дапамогу пацярпелым жанчынам.
Куды пойдуць сродкі?
- гігіенічныя сродкі;
- лекі;
- базавыя рэчы;
- іншыя неабходныя прадметы.
Ахвяраваньне можна зрабіць тут. Пры гэтым патэнцыйных ахвярадаўцаў просяць не карыстацца беларускімі і расейскімі карткамі.
Сума збору: € 8000. На кожную жанчыну плянуецца выдаткаваць каля 150 эўра. Пры гэтым, калі атрымаецца сабраць больш — яшчэ больш жанчын атрымаюць дапамогу, падкрэсьлілі арганізатары збору.
ГЛЯДЗІЦЕ ТАКСАМА: «Пайсьці на хітрасьць, каб не загінуць». Інтэрвію з Палінай Шарэндай-Панасюк пра турму, прапагандыстаў, карную псыхіятрыю ГЛЯДЗІЦЕ ТАКСАМА: Алена Маўшук: Умовай майго вызваленьня з калёніі быў выезд зь Беларусі