У выніку ізраільскага ўдару загінулі два супрацоўнікі паліцыі, кіраванай ХАМАС.
Абстрэл адбыўся ў Газе, паведамляе міністэрства ўнутраных спраў, якое кантралюе ХАМАС. Гэта здарылася ў нядзелю ў выніку ізраільскага авіяўдару на ўсход ад Рафаху на поўдні сэктару Газа.
Гібель двух паліцыянтаў у Газе назвалі парушэньнем рэжыму спыненьня агню ад 19 студзеня, піша Reuters.
У паведамленьні гаворыцца, што паліцыянты працавалі ў гэтым раёне, каб забясьпечыць уезд грузавікоў з гуманітарнай дапамогай у Газу. Трэці паліцыянт быў паранены пры ўдары.
«Міністэрства… асуджае гэтае злачынства і заклікае пасярэднікаў і міжнародную супольнасьць прымусіць спыніць напады на паліцыю, якая зьяўляецца грамадзянскім апаратам», — гаворыцца ў заяве.
Ізраільскія вайскоўцы пакуль не камэнтавалі гэтыя словы ад ХАМАС.
ГЛЯДЗІЦЕ ТАКСАМА: Ізраіль і ХАМАС абменьваюцца закладнікамі і вязьнямі ГЛЯДЗІЦЕ ТАКСАМА: Трамп заклікае арабскія краіны забраць да сябе палестынцаў з Газы