У Польшчы выплата дапамогі «800+» робіцца для 34,2 тысячы дзяцей грамадзян Беларусі.
Пра гэта паведамляе газэта Rzeczpospolita са спасылкай на дадзеныя польскай сыстэмы сацыяльнага забесьпячэньня.
Дапамога ў 800 злотых у Польшчы выплачваецца на ўсіх непаўналетніх дзяцей, уключаючы іншаземцаў, якія легальна знаходзяцца ў краіне.
За мінулы год колькасьць беларускіх дзяцей, на якіх выплачваецца дапамога, павялічылася на тысячу.
Больш за ўсё дапамог атрымліваюць украінцы — на 422,6 тысячы чалавек. Іх колькасьць скарацілася больш як на 70 тысяч за год.
На трэцім месцы сярод атрымальнікаў знаходзяцца грамадзяне Румыніі (12,9 тысячы дзяцей).
Усяго дапамога ў Польшчы выплачваецца амаль 8 млн непаўналетніх.
ГЛЯДЗІЦЕ ТАКСАМА: Польскі дыплямат: Беларуская стратэгія выжываньня можа аказацца больш эфэктыўнай, чым паўстаньні ці рэвалюцыі ГЛЯДЗІЦЕ ТАКСАМА: Польшча аб’явіла ў вышук асуджаную за шпіянаж беларуску Дарʼю Астапенку