Прэзыдэнт ЗША Дональд Трамп у сацсетцы Truth Social заявіў, што сёньня, 1 лютага, раніцай ён аддаў загад аб нанясеньні авіяўдару па абʼектах баевікоў, зьвязаных з «Ісламскай дзяржавай» на тэрыторыі афрыканскай краіны Самалі.
Ён сьцьвярджае, што ў выніку атакі было забіта «мноства тэрарыстаў, пры гэтым ня было прычынена ніякай шкоды мірным жыхарам». Ён не прывёў канкрэтных зьвестак аб выніках удару.
«Пасланьне ISIS і ўсім астатнім, хто хоча напасьці на амэрыканцаў, абвяшчае: «Мы знойдзем вас і забʼем!», — напісаў Трамп.
Шэф Пэнтагона Піт Хэгсэт удакладніў, што авіяўдары наносіліся па баевіках у гарах Голіс. Ён падкрэсьліў, што рашэньне было прынята ў каардынацыі з фэдэральным урадам Самалі.
16 мільёнаў жыхароў Самалі на працягу дзесяцігодзьдзяў пакутавалі ад грамадзянскіх войнаў, кепскага кіраваньня і тэрарызму. Цэнтральны ўрад падтрымлівалі міратворцы Афрыканскага зьвязу і Захад.
ГЛЯДЗІЦЕ ТАКСАМА: ЗША абвясьцілі пра ўзмацненьне жорсткасьці палітыкі адносна Кубы