Пра гэта заявіла прэсавая сакратарка адміністрацыі прэзыдэнта ЗША Кэралайн Лівіт, паведамляе агенцтва Reuters.
«Прэзыдэнт заўтра ўвядзе 25-адсоткавы тарыф на Мэксыку, 25-адсоткавы тарыф на Канаду і 10-адсоткавы тарыф на Кітай», — сказала Лівіт.
Рашэньне ўвесьці мыта можа нанесьці сур’ёзную шкоду дыпляматычным і эканамічным адносінам паміж ЗША і Канадай, якія зьяўляюцца блізкімі саюзьнікамі, адзначае агенцтва.
Калі Канада адкажа падвышэньнем свайго мыта, як яна і абяцала, гэта будзе гандлёвай вайной, якая можа азначаць рост цэнаў і страту працоўных месцаў, піша Reuters.
Штодзень празь мяжу Канады і ЗША перасоўваецца тавараў на 3,6 мільярда даляраў. Доля ЗША ў гандлёвым абароце Канады складае 66%. Прыкладна 80% канадзкай нафты і 60% прыроднага газу ідуць у Злучаныя Штаты.
ГЛЯДЗІЦЕ ТАКСАМА: «Куды коціцца сьвет». У чым фішка Канады і як яна збудаваная