Крыніцы «Схем» сярод вайскоўцаў сьцьвярджаюць, што сярод іх ёсьць вайскоўцы з Паўночнай Карэі, якія служылі ў зводных частках расейскай арміі.
14 сьнежня прэзыдэнт Украіны Уладзімір Зяленскі заявіў аб зьяўленьні інфармацыі пра пачаак выкарыстаньня паўночнакарэйскіх войскаў у штурмах украінскіх сіл на Куршчыне. «Расейцы ўключаюць іх у зводныя падразьдзяленьні і выкарыстоўваюць у баявых дзеяньнях у раёнах Курскай вобласці. Проста ёсьць», — сказаў кіраўнік дзяржавы.
Паводле інфармацыі Галоўнага ўпраўленьня разьведкі Мінабароны Украіны, за мінулыя суткі вайскоўцы з КНДР падчас штурмаў страцілі каля 200 чалавек.
У канцы кастрычніка заходнія СМІ паведамілі, што КНДР накіравала ў Расею вайскоўцаў для ўдзелу ў баявых дзеяньнях супраць Украіны. Па дадзеных Украіны і краін Захаду, у Курскую вобласьць прыбылі больш за 10 тысяч паўночнакарэйскіх вайскоўцаў.
5 лістапада крыніцы Financial Times і Public у спэцслужбах паведамілі аб першых баявых сутыкненьнях украінскіх і паўночнакарэйскіх вайскоўцаў у Курскай вобласьці. Адзначалася, што пакуль «пра буйныя сутыкненьні гаворкі не ідзе».
У пачатку лістапада прэзыдэнт Украіны Уладзімір Зяленскі заявіў, што паўночнакарэйскае войска панесла першыя страты. Масква і Пхэньян не пацьвердзілі непасрэдны ўдзел паўночнакарэйскіх вайскоўцаў у баях.
ГЛЯДЗІЦЕ ТАКСАМА: МУС Беларусі папярэджвае, што кібэрзлачынцы усё часьцей прадстаўляюцца супрацоўнікамі КДБ