На гэтым тыдні кіраўнік Расеі Ўладзімір Пуцін наведае Менск, каб падвесьці вынікі працы «саюзнай дзяржавы Беларусі і Расеі» ў 2024 годзе.
Пра гэта паведаміў журналіст тэлеканалу «Россия-1» Павал Зарубін.
Апошні раз Пуцін наведваў Беларусь з афіцыйным візытам у траўні сёлета, неўзабаве пасьля афіцыйнага пераабраньня прэзыдэнтам Расеі.
Перад гэтым ён быў у Менску ў лістападзе 2023 году на саміце АДКБ.
Паводле ТАСС, у 2000–2024 гадах Пуцін наведваў Беларусь 27 разоў. Зь іх большасьць паездак — 14 — кіраўнік РФ зрабіў для ўдзелу ў самітах (афіцыйных і нефармальных) СНД, АДКБ, ЭАЭС і пасяджэньнях Вышэйшага дзяржаўнага савету саюзнай дзяржавы Беларусі і Расеі.
У 2014 годзе прэзыдэнт Расеі наведаў Беларусь 5 разоў, у 2016-м і 2018-м — па два разы.
Аляксандар Лукашэнка сёлета сустракаўся з Пуціным 10 разоў, апошні раз — на саміце АДКБ у Астане 28 лістапада.
ГЛЯДЗІЦЕ ТАКСАМА: Пасьля Пуціна. Калі ў Беларусі скончыцца дыктатура