Жоўты ўзровень небясьпекі азначае, што ў асобных раёнах краіны чакаюцца неспрыяльныя мэтэаралягічныя зьявы, звычайныя для тэрыторыі краіны, але якія могуць быць небясьпечнымі для асобных відаў сацыяльна-эканамічнай дзейнасьці.
У Белгідрамэце паведамілі, што на асобных участках дарог магчымая галалёдзіца. Днём месцамі на паўднёвым усходзе Беларусі — моцны сьнег, мокры сьнег, наліпаньне мокрага сьнегу. Тэмпература паветра −2, +3°C.’, вецер паўднёвы 4-9 м/с, парывы да 14 мэтраў на секунду.
У Міністэрстве надзвычайных сытуацый Беларусі папярэдзілі, што праз пагаршэньне ўмоў надвор’я магчымыя пашкоджаньне ці абрыў ліній сувязі і электраперадач, падзеньне дрэў, зьніжэньне бачнасьці і ўскладненьне руху транспарту, павелічэньне колькасьці дарожна-транспартных здарэньняў і рызык траўматызму насельніцтва.