Фонд BySol запусьціў акцыю «Падорым дзецям цуд!», каб стварыць сьвята для дзяцей, чые бацькі за кратамі з палітычных матываў.
«Ініцыятыва аб’ядноўвае беларусаў ва ўсім сьвеце, каб нагадаць дзецям, што яны не самотныя, а сьвет вакол напоўнены клопатам і салідарнасьцю», — адзначае фонд.
Сабраныя цяпер сродкі накіруюць на падарункі: кожнае дзіця атрымае па €100. Папярэдні «дзіцячы збор» быў скіраваны на дапамогу дзецям перад пачаткам навучальнага году — выплаты атрымалі апекуны і бацькі 292 дзяцей!
Зьвярнуцца па дапамогу могуць чальцы сем’яў палітвязьняў, у якіх ёсьць дзеці да 16 гадоў уключна, калі адзін з бацькоў знаходзіцца (або знаходзіўся) за кратамі больш за 3 месяцы. Каб атрымаць дапамогу, неабходна запоўніць заяўку да 20 сьнежня 2024 году ўключна.
ГЛЯДЗІЦЕ ТАКСАМА: «Жанчыны з падвышаным пачуцьцём справядлівасьці». Расказваем пра юрыдычную ініцыятыву Partyzanka ГЛЯДЗІЦЕ ТАКСАМА: «Мая мама ў турме». Як гаварыць зь дзецьмі пра палітыку