На маршруце тадыцыйнага параду ў Новым Арлеане адбылася страляніна.
Тысячы людзей сабраліся на штогадовую вечарыну Nine Times Social Aid & Pleasure Club у 9-м раёне, паведаміў nola.com арганізатар Оскар Браўн.
Два чалавекі забітыя і яшчэ 10 параненыя ў выніку дзьвюх асобных стралянін уздоўж маршруту параду, піша «Голас Амэрыкі» са спасылкай на мясцовыя ўлады. Па «гарачых сьлядах» нікога не затрымалі.
Афіцэры зрэагавалі на паведамленьні аб страляніне неўзабаве пасьля 15:30 мясцовага часу. На праспэкце ў гарадзкім раёне Сьвятога Роха знайшлі восем ахвяр з агнястрэльнымі раненьнямі, паведамляецца ў прэс-рэлізе дэпартамэнту паліцыі Новага Арлеану. Усе васьмёра дастаўленыя ў шпіталі. Іх стан невядомы. Пазьней паліцыя паведаміла, што дзявяты паранены прыбыў у лякарню на асабістым аўтамабілі.
Прыкладна праз 45 хвілін паліцыя атрымала яшчэ адно паведамленьне аб страляніне, калі адпачывальнікі пераходзілі мост Almonaster Avenue, каля кілямэтра на поўнач ад месца першага здарэньня. Адзін чалавек загінуў на месцы здарэньня, другі памёр у шпіталі, паведаміла паліцыя. Трэці пацярпелы быў дастаўлены ў лякарню на асабістым аўтамабілі і знаходзіцца ў стабільным стане.
ГЛЯДЗІЦЕ ТАКСАМА: У ЗША страляніна ў школе, ёсьць забітыяНі пра якія арышты на гэтую хвіліну невядома, інфармацыя аб падазраваных не апублікаваная.
Раён Сьвятога Роха знаходзіцца за межамі францускага кварталу гораду, які карыстаецца папулярнасьцю сярод турыстаў. Ён разьмешчаны за некалькі кварталаў на паўночны ўсход.
На час расьсьледаваньня Альманастэрскі мост закрыты ў абодвух кірунках. Дэтэктывы на гэты момант яшчэ не даведаліся, ці зьвязаныя два выпадкі страляніны паміж сабой.
Гэта другая буйная страляніна на поўдні з таго часу, як 10 лістапада азмрочыліся выходныя ва ўнівэрсытэце Таскігі ў Алабаме, у выніку чаго адзін чалавек загінуў і 16 атрымалі раненьні, дзясяткі зь іх у выніку ўжываньня агнястрэльнай зброі, паведамілі тады ўлады.
ГЛЯДЗІЦЕ ТАКСАМА: Страляніна ў аквапарку пад Дэтройтам: паранена 9 чалавек, дзіця ў крытычным стане