Людзей вярнулі ў Афганістан, дзе пры ўладзе знаходзяцца талібы.
Больш за 300 афганскіх уцекачоў дэпартавалі з Турэччыны і вярнулі ў Афганістан, перадае Радыё Фарда.
У нядзелю Міністэрства ў справах уцекачоў і рэпатрыяцыі Афганістану паведаміла, што 325 афганскіх мігрантаў былі дэпартаваныя са Стамбула ў пятніцу і суботу, 18 і 19 кастрычніка, і вернутыя ў Афганістан паветраным шляхам.
Некаторыя з афганцаў былі з дакумэнтамі, а некаторыя без дакумэнтаў, гаворыцца ў паведамленьні.
У апошнія месяцы Турэччына актывізавала дэпартацыю мігрантаў без дакумэнтаў.
Ёсьць інфармацыя, што турэцкая паліцыя ў верасьні пасьля арыштаў перавяла каля 600 афганскіх мігрантаў у цэнтры дэпартацыі ў Стамбуле.
ГЛЯДЗІЦЕ ТАКСАМА: «Талібан» увёў у Афганістане «забарону на фатаздымкі», але яе немагчыма выканаць ГЛЯДЗІЦЕ ТАКСАМА: Кабул абстралялі ракетамі. Талібы праводзяць ператрусы