На другім месцы сярод бізнэсоўцаў, чыё багацьце павялічылася пасьля выбараў, — сузаснавальнік карпарацыі Oracle Лары Элісан. Ягонае багацьце пабольшала амаль на 10 мільярдаў даляраў.
У першай дзясятцы таксама апынуліся заснавальнік Amazon Джэф Бэзас, кошт актываў якога вырас за дзень на сем мільярдаў даляраў, і сузаснавальнік Google Лары Пэйдж з прыростам пяць з паловай мільярдаў.
Агулам кошт актываў дзесяці найбагацейшых людзей у сьвеце вырас на 63,5 мільярда даляраў.
Большую частку гэтага прыросту мільярдэры атрымалі дзякуючы росту курсаў акцыяў у ЗША. Індэкс S&P 500 па выніках таргоў 6 лістапада падняўся на 2,5%, што стала найвышэйшым у гісторыі ўздымам біржавых курсаў пасьля выбараў, адзначае Bloomberg.
Акцыі Tesla ў Нью-Ёрку па выніках таргоў 7 лістапада вырасьлі на 15%, павялічыўшы прырост за апошні год да 32%.
Ілан Маск удзельнічаў у выбарчай кампаніі Дональда Трампа і ахвяраваў на кампанію Рэспубліканскай партыі больш за 130 мільёнаў даляраў. У сваю чаргу Трамп, у выпадку сваёй перамогі, абяцаў Маску афіцыйную пасаду ва ўрадзе.
ГЛЯДЗІЦЕ ТАКСАМА: Маск абвясьціў, што будзе штодня даваць мільён даляраў выбарнікам у Пэнсыльваніі