У офісах амэрыканскага стрымінгавага сэрвісу Netflix у Амстэрдаме і Парыжы прайшлі ператрусы ў справе аб падатковым махлярстве, паведамляюць Reuters і ВВС са спасылкай на крыніцу ў францускай судовай сыстэме.
Паводле зьвестак выданьня, папярэдняе расьсьледаваньне ў Францыі вядзе Нацыянальная фінансавая пракуратура (PNF), яно пачалося яшчэ ў лістападзе 2022 году. Reuters адзначае, што папярэдняе расьсьледаваньне не абавязкова мяркуе пад сабой прад’яўленьні крымінальных абвінавачаньняў і неабавязкова прыводзіць да судовага разбору.
Паводле зьвестак La Lettre, францускае аддзяленьне Netflix трапіла пад пільную ўвагу падатковых органаў з прычыны прыніжанага аб’ёму заяўленай выручкі, які, як сьцьвярджаецца, не адпавядаў колькасьці платных карыстальнікаў у краіне.
Выданьне пісала, што паміж 2019-м і 2020 гадамі францускае аддзяленьне Netflix заплаціла менш за мільён эўра карпаратыўных падаткаў, выкарыстоўваючы асобнае падразьдзяленьне, зарэгістраванае ў Нідэрляндах. La Lettre адзначае, што кампанія спыніла гэтую практыку ў 2021 годзе.
Reuters са спасылкай на карпаратыўныя дакумэнты францускага Netflix піша, што выручка кампаніі рэзка ўзрасла ў 2021 годзе з €47 млн прыкладна да €1,2 млрд.
У Netflix не адказалі на запыт аб камэнтары.