«Роля міністэрства будзе палягаць у палітычнай падтрымцы, каб нашыя суайчыньнікі, асабліва якія пражываюць у Расеі і Беларусі, маглі захаваць польскую ідэнтычнасць, нягледзячы на перашкоды, якія ствараюцца аўтарытарнымі ўладамі гэтых краін, уключаючы запалохваньне і арышты. Мы выкарыстоўваем розныя каналы для вызваленьня нашых суайчыннікаў, зьняволеных рэжымам Лукашэнкі, асабліва Анджэя Пачобута, асуджанага на фіктыўным судзе на 8 гадоў калёніі агульнага рэжыму», — сказаў кіраўнік МЗС Польшчы Радослаў Сікорскі, выступаючы ў Сэнаце краіны з дакладам аб рабоце з польскім дыяспарамі.
Радослаў Сікорскі таксама падзякаваў кіраўніцтву Сэйма Польшчы за ўключэньне Анджэя Пачобута ў склад Кансультацыйнай рады ў справах Палёніі.
«Спадзяюся, што ў недалёкай будучыні ён [Пачобут] зможа актыўна далучыцца да яе працы», — сказаў Сікорскі.
ГЛЯДЗІЦЕ ТАКСАМА: Кіраўнік МЗС Польшчы назваў вызваленьне Пачобута адной з найважнейшых задач- Анджэй Пачобут — адзін зь лідэраў незалежнага Саюзу палякаў Беларусі. Яго затрымалі 25 сакавіка 2021 году.
- За публікацыю пра падзеі верасьня 1939 году журналіста абвінавацілі ў «распальваньні варожасьці па нацыянальнай прыкмеце» — так улады ацанілі тое, што ён назваў агрэсіяй напад СССР на Польшчу.
- Таксама ў матэрыялах крымінальнай справы фігуравалі заявы журналіста ў абарону польскай меншасьці ў Беларусі, артыкул пра задушэньне беларускіх пратэстаў у 2020 годзе і тэкст 2006 году пра аднаго з камандзіраў польскага антыкамуністычнага падпольля на Горадзеншчыне.
- Пачобута асудзілі на 8 гадоў калёніі ўзмоцненага рэжыму. Палітвязьню прапаноўвалі напісаць прашэньне аб памілаваньні, але ён адмовіўся.
Хто такі Анджэй Пачобут
- Анджэй Пачобут — вядомы журналіст і грамадзкі дзеяч, сябра незарэгістраванага Саюзу палякаў Беларусі.
- Нарадзіўся 17 красавіка 1973 году ў Вялікай Бераставіцы (Горадзенская вобласьць). Яму 49 гадоў. Жыве ў Горадні. Жанаты, двое дзяцей: старэйшая дачка вучыцца ў Горадні ў мэдычным унівэрсытэце, малодшы сын ходзіць у школу.
- У 2002 годзе прыйшоў у журналістыку. Працаваў у першых незалежных горадзенскіх газэтах «Пагоня», «Дзень», «Мясцовы час», рэспубліканскай газэце «Народная воля», газэце СПБ на польскай мове Głos znad Niemna («Голас з-над Нёману»). Быў рэдактарам часопіса СПБ Magazyn Polski na uchodźstwie, карэспандэнтам буйнога польскага выданьня Gazeta Wyborcza. Займаўся тэмамі, зьвязанымі з гісторый спэцслужбаў СССР, антысавецкага супраціву ў Заходняй Беларусі, Арміяй Краёвай.
- 25 сакавіка 2021 году Андрэя Пачобута затрымалі, прыйшоўшы да яго зь ператрусам.
- Трох фігурантак «польскай справы» Ірэну Бярнацкую, Марыю Цішкоўскую і Ганну Панішаву у траўні 2021 вызвалілі ўзамен на выезд зь Беларусі. Пачобут адмовіўся ад такой прапановы. Старшыню Анжаліку Борыс у сакавіку 2022 вызвалілі зь СІЗА пад хатні арышт.
- У Анджэя хворае сэрца. Раней, асабліва ў сьпёку, у яго часта здараліся прыступы, ён слабеў, клаўся ў шпіталь праз парушаны рытм сэрца.
- За артыкул пра напад СССР на Польшчу ў верасьні 1939-га Анджэя Пачобута абвінавацілі ў «распальваньні варожасьці па нацыянальнай прыкмеце». У публікацыі Пачобут назваў напад СССР на Польшчу 17 верасьня 1939 году агрэсіяй. Таксама ў матэрыялах крымінальнай справы фігуравалі заявы журналіста ў абарону польскай меншасьці ў Беларусі, артыкул пра здушэньне беларускіх пратэстаў у 2020 годзе і тэкст 2006 году пра аднаго з камандзіраў польскага антыкамуністычнага падпольля на Горадзеншчыне.
- У 2023-м Пачобуту вынесьлі прысуд — 8 гадоў калёніі. 21 чэрвеня стала вядома, што палітвязьня перавялі ў наваполацкую калёнію № 1.