У Беларусі затрымалі хлопца, які нібыта дасылаў інфармацыю пра вайскоўцаў ініцыятыве «Беларускі Гаюн». Інфармацыю пра гэта заўважылі праваабаронцы.
У праўладным тг-канале паведамляецца, што затрыманьне праводзілі гомельскія сілавікі.
У «пакаяльным відэа» затрыманы кажа, што «дасылаў у чат-бот ініцыятывы інфармацыю аб перасоўваньні расейскай вайсковай тэхнікі па тэрыторыі Беларусі».
Падобныя відэа найчасьцей запісваюцца сілавікамі пры вялікім псыхічным і фізычным гвалце з затрыманых. У прававой дзяржаве зьвесткі, атрыманыя такім чынам, не лічыліся бы доказам у судзе, а выканальнікі і аўтар загаду трапілі бы пад судовы перасьлед за парушэньне правілаў дазнаваньня.
ГЛЯДЗІЦЕ ТАКСАМА: Над Ельскім раёнам зьбілі «Шахед», паведамляе «Беларускі гаюн»Цяпер беларусу пагражаюць крымінальнай справай паводле арт. 361-4 КК за «садзейнічаньне экстрэмісцкай дзейнасьці».
«Беларускі гаюн» — праект маніторынгу вайсковай актыўнасьці, якім кіруе вядомы блогер Антон Матолька. Праект неаднаразова, абапіраючыся на зьвесткі, атрыманыя ад грамадзянаў, публікаваў інфармацыю пра бесьпілётнікі ў паветранай прасторы Беларусі, перасоўваньне расейскай вайсковай тэхнікі, вучэньні «вагнэраўцаў» і іншае.
ГЛЯДЗІЦЕ ТАКСАМА: КДБ затрымаў жанчыну, якая зьняла відэа падзеньня «Шахэда» ў Калінкавічах