Дата дня
За ноч з 29 на 30 кастрычніка 1937 году супрацоўнікі НКВД расстралялі больш за 100 прадстаўнікоў беларускай інтэлігенцыі: літаратараў, навукоўцаў, дзяржаўных дзеячоў.
Гэты дзень у гісторыі
1919 — У газэце «Беларусь» апублікаваны верш Макара Краўцова «Мы выйдзем шчыльнымі радамі», які стаў гімнам БНР пад назвай «Ваяцкі гімн».
1921 — Афіцыйна адкрыўся Беларускі дзяржаўны ўнівэрсытэт.
1939 — У Беластоку скончыўся Народны сход Заходняй Беларусі, які прыняў рашэньне пра далучэньне заходнебеларускіх зямель да БССР (пачаўся 28.10.1939).
1989 — на Дзяды адбылося шэсьце ў Курапаты, мітынг-рэквіем і ўсталяваньне Крыжа Пакуты, які быў асьвячоны прадстаўнікамі чатырох хрысьціянскіх цэркваў. З таго моманту пачалася народная мэмарыялізацыя Курапатаў.
Дзяды, 29 кастрычніка 1989 году. Сярод тых, хто нясе Крыж Пакуты ў Курапаты, — Анатоль Трыпуцін, Андрэй Рамашэўскі, Валер Шчукін, Канстанцін Балашоў, Юры Юхновіч. Фота Ўладзімера Сапагова.
1992 — Вярхоўны Савет адхіліў ініцыятыву БНФ аб правядзеньні рэфэрэндуму аб датэрміновых парлямэнцкіх выбарах паводле новага дэмакратычнага закону. За рэфэрэндум выказаліся больш як 384 000 грамадзян Беларусі (пры патрэбных 350 тысячах).
У гэты дзень нарадзіліся
1451 — Хрыстафор Калюмб, славуты мараход, які кіраваў гішпанскай экспэдыцыяй у Індыю, у выніку якой была адкрытая Амэрыка.
Хрыстафор Калюмб
1938 — Янка Саламевіч, беларускі літаратуразнаўца, фальклярыст, бібліёграф, перакладчык.
У памяці
1861 — Павал Шпілеўскі, беларускі этнограф, пісьменьнік, публіцыст і тэатральны крытык.
1937 — Алесь Дудар (ад нараджэньня Дайлідовіч), паэт, ахвяра сталінскіх рэпрэсіяў.
Алесь Дудар
1937 — Міхась Зарэцкі (ад нараджэньня Касянкоў), пісьменьнік, ахвяра сталінскіх рэпрэсіяў.
Міхась Зарэцкі
1937 — Мойшэ Кульбак, беларускі габрэйскі пісьменьнік, ахвяра сталінскіх рэпрэсіяў.
Мойшэ Кульбак
1937 — Валеры Маракоў, паэт, ахвяра сталінскіх рэпрэсіяў.
Валеры Маракоў
1937 — Міхась Чарот, паэт, драматург, празаік, рэдактар, грамадзкі дзеяч, ахвяра сталінскіх рэпрэсіяў.
Міхась Чарот
2006 — Мікола Канаш, вязень ГУЛАГу, удзельнік нацыянальна-дэмакратычнага руху 1980-х — пач. ХХІ ст.